తాడేపల్లి: డీఎస్సీ స్కామ్, నిరుద్యోగ యువతకు జరుగుతున్న అన్యాయం, ఫీజుల బకాయిల చెల్లింపు వంటి ప్రజా సమస్యలపై పార్టీ చేపట్టిన ఉద్యమాన్ని రాష్ట్రవ్యాప్తంగా మరింత ఉధృతం చేయాలని వైయస్సార్సీపీ స్టేట్ కో-ఆర్డినేటర్ శ్రీ సజ్జల రామకృష్ణారెడ్డి పిలుపునిచ్చారు. పార్టీ అధ్యక్షుడు శ్రీ వైయస్ జగన్మోహన్రెడ్డి ఆదేశాల మేరకు పార్టీ ముఖ్యనేతలతో నిర్వహించిన టెలీ కాన్ఫరెన్స్లో ఆయన భవిష్యత్ కార్యాచరణపై స్పష్టమైన దిశానిర్దేశం చేశారు. పార్టీ కమిటీలన్నీ పూర్తిస్థాయిలో కదిలి, విద్యార్థులు, యువత, సాధారణ ప్రజలను ఉద్యమంలో భాగస్వాములను చేయాలని సూచించారు. జిల్లా స్థాయి నుంచి ఉద్యమాన్ని విస్తరించాలి జూలై 31న జిల్లా కలెక్టర్లకు వినతిపత్రాలు సమర్పించడం నుంచి ప్రారంభించి, టౌన్హాల్ సమావేశాలు, రిలే నిరాహార దీక్షలు, భారీ ర్యాలీల వరకు పార్టీ ప్రకటించిన కార్యాచరణను విజయవంతం చేయాలి. పార్టీ నాయకత్వం మొత్తం కదిలిందనే సందేశం ప్రజల్లోకి వెళ్లాలి. జిల్లా అధ్యక్షులు, నియోజకవర్గ సమన్వయకర్తలు, పార్లమెంట్ సమన్వయకర్తలు, ముఖ్య నాయకులు సమన్వయంతో పనిచేసి ప్రతి కార్యక్రమాన్ని విజయవంతం చేయాలి." అని శ్రీ సజ్జల రామకృష్ణారెడ్డి అన్నారు. కమిటీలు పేరుకే కాదు... బాధ్యతలు నిర్వర్తించాలి గ్రామ స్థాయి నుంచి అన్ని కమిటీలను ఏర్పాటు చేసిన ఉద్దేశం కేవలం పదవులు ఇవ్వడం కాదు. ప్రతి కమిటీ సభ్యుడు పార్టీ కార్యక్రమాల్లో చురుకుగా పాల్గొనాలి. బాధ్యతలను పంచి, ప్రతి ఒక్కరిలో ఓనర్షిప్ పెంచాలి. అప్పుడు మాత్రమే కొత్త నాయకత్వం ఎదుగుతుంది. కమిటీలు పూర్తిస్థాయిలో యాక్టివేట్ అయితే పార్టీ కార్యకలాపాలు గణనీయంగా పెరుగుతాయి."** అని ఆయన పేర్కొన్నారు. డీఎస్సీ ఉద్యమంలో యువత ముందుండాలి డీఎస్సీ అంశం ప్రతి విద్యార్థి, ప్రతి నిరుద్యోగ యువకుడికి సంబంధించినది. అందుకే ఇది కేవలం పార్టీ కార్యక్రమంగా కాకుండా యువత ఉద్యమంగా మారాలి. కాలేజీలు, యూనివర్సిటీలు, కోచింగ్ సెంటర్లు అన్ని చోట్లా విద్యార్థులను చైతన్యపరచాలి. డీఎస్సీ అభ్యర్థులను నేరుగా కలుసుకొని టౌన్హాల్ సమావేశాలు, రిలే నిరాహార దీక్షలు, ర్యాలీల్లో భాగస్వాములను చేయాలి. బాధితులే మాట్లాడేలా వేదిక కల్పిస్తే ఉద్యమానికి మరింత బలం వస్తుంది."** అని శ్రీ సజ్జల రామకృష్ణారెడ్డి స్పష్టం చేశారు. ప్రజల్లోకి విస్తృతంగా వెళ్లాలి టౌన్హాల్ సమావేశాలు కేవలం పార్టీ సమావేశాలుగా కాకుండా సమాజ చర్చలుగా కనిపించాలి. విద్యావేత్తలు, రిటైర్డ్ అధ్యాపకులు, సామాజిక కార్యకర్తలు, వివిధ సంఘాల ప్రతినిధులు, డీఎస్సీ అభ్యర్థులు, నిరుద్యోగ యువత పాల్గొనేలా చూడాలి. రిలే నిరాహార దీక్షల సమయంలో సాంస్కృతిక కార్యక్రమాలు, పాటలు, స్కిట్ల ద్వారా ప్రభుత్వ వైఫల్యాలను ప్రజలకు వివరించాలి. ప్రతి అనుబంధ విభాగానికి ప్రత్యేక బాధ్యతలు అప్పగించి కార్యక్రమాలు విజయవంతం అయ్యేలా ప్రణాళిక రూపొందించాలి."** అని ఆయన సూచించారు. ఎస్ఐఆర్, ఓటర్ల జాబితాలపై అప్రమత్తంగా ఉండాలి ఎస్ఐఆర్ ప్రక్రియ, ఏఎస్డీ జాబితాలు, అన్మ్యాప్డ్ ఓటర్లు, ఫారమ్-6, ఫారమ్-7, డూప్లికేట్ ఓట్ల అంశాలను ప్రతి నియోజకవర్గంలో జాగ్రత్తగా పరిశీలించాలి. బీఎల్వోలతో సమన్వయం కొనసాగిస్తూ, అవసరమైతే అభ్యంతరాలు దాఖలు చేయాలి. డ్రాఫ్ట్ ఓటర్ల జాబితా విడుదలైన తర్వాత పూర్తి స్థాయిలో విశ్లేషించి అవసరమైన చర్యలు తీసుకోవాలి."అని శ్రీ సజ్జల రామకృష్ణారెడ్డి పేర్కొన్నారు.
