శ్రీకాకుళం: మాజీ మంత్రి, వైయస్ఆర్సీపీ నేత సీదిరి అప్పలరాజుకు సోంపేట కోర్టు బెయిల్ మంజూరు చేసింది. గత నెల 22న నమోదైన కేసులో పోలీసులు ఆయనను అరెస్టు చేశారు. ఈ కేసులో న్యాయస్థానాన్ని ఆశ్రయించిన అప్పలరాజుకు తాజాగా బెయిల్ లభించింది. సీదిరి అప్పలరాజుపై నమోదైన కేసు రాజకీయ కక్షసాధింపులో భాగంగానే పెట్టారని వైయస్ఆర్సీపీ శ్రేణులు మొదటి నుంచీ పేర్కొంటున్నాయి. కేసు నమోదైన అనంతరం గత నెల 22న పోలీసులు ఆయనను అరెస్టు చేశారు. అప్పటి నుంచి న్యాయపరమైన ప్రక్రియ కొనసాగగా, తాజాగా సోంపేట కోర్టు బెయిల్ మంజూరు చేసింది. వైయస్ఆర్సీపీ శ్రేణుల్లో హర్షం మాజీ మంత్రికి బెయిల్ రావడంతో వైయస్ఆర్సీపీ నాయకులు, కార్యకర్తల్లో హర్షం వ్యక్తమవుతోంది. రాజకీయ ప్రత్యర్థులను లక్ష్యంగా చేసుకుని అక్రమ కేసులు పెట్టి వేధిస్తున్నారని పార్టీ నేతలు ఆరోపిస్తున్న నేపథ్యంలో అప్పలరాజుకు బెయిల్ రావడం ప్రాధాన్యత సంతరించుకుంది. మాజీ మంత్రిగా పనిచేసిన సీదిరి అప్పలరాజు ప్రస్తుతం వైయస్ఆర్సీపీ తరఫున క్రియాశీలకంగా వ్యవహరిస్తున్నారు. ప్రభుత్వ విధానాలు, ప్రజా సమస్యలపై పార్టీ కార్యక్రమాల్లో పాల్గొంటున్నారు. ఈ క్రమంలోనే ఆయనపై కేసులు నమోదు చేసి అరెస్టు చేయడం రాజకీయ వర్గాల్లో చర్చనీయాంశమైంది. న్యాయపోరాటం కొనసాగిస్తాం అక్రమ కేసులతో తమ నాయకులను భయపెట్టలేరని వైయస్ఆర్సీపీ శ్రేణులు స్పష్టం చేస్తున్నాయి. సీదిరి అప్పలరాజుపై నమోదైన కేసు విషయంలో న్యాయపరమైన పోరాటం కొనసాగిస్తామని పేర్కొన్నాయి. కోర్టు బెయిల్ మంజూరు చేయడంతో ఆయన త్వరలోనే పార్టీ కార్యక్రమాల్లో మరింత చురుగ్గా పాల్గొనే అవకాశం ఉందని పార్టీ వర్గాలు తెలిపాయి.
