నెల్లూరు జిల్లా, కందుకూరు: స్థానిక సంస్థల ఎన్నికల నేపథ్యంలో కందుకూరు నియోజకవర్గంలో వైయ‌స్ఆర్‌సీపీ ఎన్నికల ప్రచారం అట్టహాసంగా ప్రారంభమైంది. ఉలవపాడు మండలం కరేడు గ్రామంలో ఎంపీటీసీ, జడ్పీటీసీ అభ్యర్థుల విజయాన్ని కాంక్షిస్తూ బుర్రా మధుసూదన్ యాదవ్ ప్రచార కార్యక్రమాన్ని ప్రారంభించారు. మేళతాళాలు, డప్పు చప్పుళ్లు, పార్టీ కార్యకర్తల ఉత్సాహం మధ్య ప్రచార కార్యక్రమం సందడిగా సాగింది. పార్టీ శ్రేణులు పెద్ద సంఖ్యలో పాల్గొని ఎన్నికల ప్రచారంలో ఉత్సాహాన్ని ప్రదర్శించారు. కరేడు గ్రామంలో ప్రారంభమైన ఈ ప్రచార కార్యక్రమం స్థానిక సంస్థల ఎన్నికల నేపథ్యంలో పార్టీ కార్యకలాపాలకు వేదికగా నిలిచింది.
