తాడేప‌ల్లి: స్థానిక సంస్థల ఎన్నికల నేపథ్యంలో రాష్ట్రంలోని పలు మున్సిపాలిటీలు, నగరపాలక సంస్థల్లో వైయ‌స్ఆర్‌సీపీ అభ్యర్థులు నామినేషన్లు దాఖలు చేశారు. పార్టీ నాయకులు, కార్యకర్తల సమక్షంలో అభ్యర్థులు సంబంధిత అధికారులకు నామినేషన్‌ పత్రాలు సమర్పించారు. పట్టణాల అభివృద్ధి, ప్రజా సమస్యల పరిష్కారం, సంక్షేమమే లక్ష్యంగా ఎన్నికల బరిలో నిలుస్తున్నట్లు పలువురు అభ్యర్థులు వెల్లడించారు. నామినేషన్లు దాఖలు చేసిన అభ్యర్థులు: ప్రొద్దుటూరు: మున్సిపల్‌ చైర్మన్‌ అభ్యర్థిగా పోరెడ్డి నరసింహారెడ్డి, 42వ వార్డు కౌన్సిలర్‌ అభ్యర్థిగా పాతకోట బంగారు రెడ్డి, 41వ వార్డు అభ్యర్థిగా పాతకోట వంశీధర్‌రెడ్డి నామినేషన్లు దాఖలు చేశారు. చీరాల: మున్సిపల్‌ చైర్మన్‌ అభ్యర్థిగా డాక్టర్‌ ఇస్తార్ల షెర్లి నామినేషన్‌ సమర్పించారు. ఈ కార్యక్రమానికి పార్టీ నియోజకవర్గ ఇన్‌చార్జి కరణం వెంకటేష్‌బాబు ముఖ్య అతిథిగా హాజరయ్యారు. నెల్లూరు: నగరపాలక సంస్థ మేయర్‌ అభ్యర్థి ఆనం విజయకుమార్‌రెడ్డి రిటర్నింగ్‌ అధికారి వెంకటేశ్వర్లుకు నామినేషన్‌ పత్రాలు అందజేశారు. బద్వేల్‌: మున్సిపల్‌ చైర్మన్‌ అభ్యర్థిగా రాచపూడి వెంకట సాయికృష్ణ నామినేషన్‌ దాఖలు చేశారు. ఈ కార్యక్రమంలో ఎమ్మెల్సీ డి.సి. గోవిందరెడ్డి, ఎమ్మెల్యే డాక్టర్‌ సుధమ్మ, దేవసాని ఆదిత్యరెడ్డి తదితరులు పాల్గొన్నారు. రామచంద్రపురం: మున్సిపల్‌ చైర్మన్‌ అభ్యర్థిగా చింతపల్లి నాగేశ్వరరావు నామినేషన్‌ దాఖలు చేశారు. పార్టీ కోఆర్డినేటర్‌ పిల్లి సూర్యప్రకాశ్‌ కార్యక్రమంలో పాల్గొని పార్టీ అభ్యర్థికి మద్దతు తెలిపారు. చిత్తూరు: నగరపాలక సంస్థ 44వ వార్డు వైయ‌స్ఆర్‌సీపీ కార్పొరేటర్‌ అభ్యర్థిగా హరీషా రెడ్డి నామినేషన్‌ దాఖలు చేశారు. కర్నూలు: 68వ వార్డు కార్పొరేటర్‌ అభ్యర్థిగా గద్ద జానకమ్మ, మేయర్‌ అభ్యర్థిగా సుశీల నామినేషన్లు సమర్పించారు. చిలకలూరిపేట: మున్సిపల్‌ చైర్మన్‌ అభ్యర్థిగా షేక్‌ కరీమూన్‌ నామినేషన్‌ దాఖలు చేశారు. తనకు అవకాశం కల్పించిన మాజీ మంత్రి విడదల రజినికి కృతజ్ఞతలు తెలిపిన ఆమె, పట్టణ అభివృద్ధి, ప్రజా సంక్షేమానికి కృషి చేస్తానని పేర్కొన్నారు. ఎమ్మిగనూరు: మున్సిపల్‌ చైర్మన్‌ అభ్యర్థిగా డాక్టర్‌ కె. రఘు నామినేషన్‌ దాఖలు చేశారు. అవకాశం కల్పించిన పార్టీ అధినేత వైఎస్‌ జగన్‌మోహన్‌రెడ్డి, మాజీ ఎమ్మెల్యే కే. చెన్నకేశవరెడ్డికి కృతజ్ఞతలు తెలిపారు. వివిధ ప్రాంతాల్లో నామినేషన్ల దాఖలు కార్యక్రమాలకు పార్టీ నాయకులు, కార్యకర్తలు హాజరై అభ్యర్థులకు మద్దతు తెలిపారు. ఎన్నికల ప్రక్రియలో భాగంగా అభ్యర్థులు తమ నామినేషన్లను సంబంధిత అధికారులకు సమర్పించారు.
