నరసరావుపేట: తండ్రీకొడుకులు నోరు తెరిస్తే.. తంతాం, నరుకుతాం, పొడుస్తాం, తోలు తీస్తాం, చంపేస్తాం ఇవే మాటలు.. ప్రజాస్వామ్యంలో ఈ భాషను ఎవరైనా అంగీకరిస్తారా..? టీడీపీలో అంతా సంఘ వ్యతిరేక శక్తులే. నాయకుడు గూండానే.. గూండాయిజం, రౌడీయిజం, హంతకులు అంతా కలిసిన పార్టీ టీడీపీ అని వైయస్ఆర్ కాంగ్రెస్ పార్లమెంటరీ పార్టీ నేత విజయసాయిరెడ్డి అన్నారు. మహిళలు, ఎస్సీ, ఎస్టీ, బీసీ, మైనార్టీలు, వివిధ సామాజిక వర్గాలకు గతంలో ఏం చెప్పారు.. ఏం చేశారని ప్రశ్నించారు. తెలుగుదేశం పార్టీ పేరును మార్చుకుంటే బాగుంటుందని విజయసాయిరెడ్డి సలహా ఇచ్చారు.. టీడీపీని కాస్త జీటీపీ (గెలిస్తే తంతాం పార్టీ) అని మార్చుకుంటే బాగుంటుందని చురకలు అంటించారు. నరసరావుపేటలో ఎంపీ విజయసాయిరెడ్డి విలేకరుల సమావేశం నిర్వహించారు. ఈ సందర్భంగా ఆయన ఏం మాట్లాడారంటే.. చంద్రయాన్–3 సక్సెస్కు టీడీపీకి ఏం సంబంధమో అర్థం రావడం లేదు. ఊర్లో పెళ్లికి కుక్కల హడావిడి అన్నట్టుగా టీడీపీ తీరు ఉంది. టైమ్స్నౌ, టుడే సర్వేలో, దేశ వ్యాప్తంగా పెద్ద ఛానల్స్ అన్నీ చేసిన నేషనల్ సర్వేల్లో 2024 ఎన్నికల్లో వైయస్ఆర్ సీపీ 24–25 పార్లమెంట్ సీట్లు సంపాదించుకుంటుందని చాలా స్పష్టంగా చెప్పాయి. 24–25 పార్లమెంట్ స్థానాలు వస్తే మా టార్గెట్ ప్రకారం 175 స్థానాలు వస్తాయి. గతం కంటే పెద్ద సంఖ్య మా పార్టీకి వస్తుందనే విషయంలో ఎలాంటి సందేహం లేదు. ఎల్లో పార్టీ రెడ్ జోన్లో ఉంటే.. కాషాయంలో ఉన్న ఎల్లో బ్యాచ్కు నిద్రపట్టడం లేదు. చంద్రబాబు, లోకేష్ ఏ స్క్రిప్టు చదివినా దాన్నే పురందేశ్వరి, సీపీఐ నారాయణ, సుజనా చౌదరి అవే డైలాగులు చెబుతారు. వైయస్ఆర్ సీపీ డీబీటీ (డైరెక్ట్ బెనిఫిట్ ట్రాన్స్ఫర్ స్కీమ్)ను నమ్ముకుంది. ఎక్కడా అవినీతి లేకుండా ప్రతి పథకం డీబీటీ ద్వారానే వెళ్తుంది. టీడీపీ పేరును మార్చుకుంటే బాగుంటుందని చంద్రబాబుకు సలహా ఇస్తున్నా.. అది జీటీపీ (గెలిస్తే తంతాం). చంద్రబాబు, లోకేష్ సేమ్ డైలాగ్ చెబుతున్నారు. గెలిస్తే అందరినీ తంతాం.. కొడతాం.. బట్టలిప్పుతాం.. గుడ్డలూడదీస్తాం.. నడిరోడ్డు మీద కట్డ్రాయర్తో నడిపిస్తాం అని తండ్రీకొడుకులు ఇవే డైలాగ్లు చెబుతున్నారు. మీరు అసలు గెలిస్తే కదా ఇవన్నీ చేసేది. గెలిచే అవకాశమే లేనప్పుడు మీరు ఏం చేయగలరు. అసలు మీ భాష ఏంటీ.. మీకు సంస్కారం ఉందా..? అని ప్రశ్నిస్తున్నాను. కాపుల ఆరాధ్యదైవం వంగవీటి రంగాను ఎవరు హత్య చేశారు..? పింగళి దశరథరామ్ను ఎవరు హత్య చేశారు..? చెరుకులపాడు నారాయణరెడ్డి ఎవరు హత్య చేశారు..? ఇలా ప్రతి ఒక్కరినీ చంపిన పార్టీ టీడీపీ.. తండ్రీకొడుకులు తంతాం, పొడుస్తాం, చంపుతాం అని వారి నైజాన్ని, మనస్తత్వాన్ని బయటపెడుతున్నారు. వారు హంతకులనే విషయాన్ని వారే చెప్పుకుంటున్నారు. చంద్రబాబు ఈ మధ్య మైకెల్ జాక్సన్ మైక్ పెట్టుకొని, క్రర పట్టుకొని పవర్ పాయింట్ ప్రజెంటేషన్ ఇస్తున్నాడు. తాను ఏదో పెద్ద మేధావిలా ప్రవర్తిస్తున్నాడు. 14 ఏళ్లు ముఖ్యమంత్రిగా ప్రజలకు చేసిందేమీ లేదు. కొత్తగా విజన్ 2047 అంటున్నాడు. నీతి ఆయోగ్ ప్రవేశపెడితే దాన్ని కాపీ కొట్టి 2047 విజన్ అని మాట్లాడుతున్నాడు. చంద్రబాబు వయసు 75 సంవత్సరాలు.. అంటే 2047కు 100కు చేరుతాడు. ఇప్పటికే అల్జీమర్స్ వ్యాధితో బాధపడుతున్నాడు. మరో 25 సంవత్సరాలకు ఎలా ఉంటాడో ఊహించుకోవచ్చు. ఇటీవల 66 పంచాయతీల్లో ఉప ఎన్నికలు జరిగితే 53 స్థానాల్లో వైయస్ఆర్ సీపీ మద్దతు దారులు గెలిచారు. టీడీపీ, జనసేన కలిసి మిగిలిన చోట్ల గెలిచాయి. చంద్రబాబు ఎమ్మెల్యేగా ఉన్న కుప్పంలో ఉప ఎన్నికలు జరిగిన 6 స్థానాలకు 5 స్థానాలు వైయస్ఆర్ సీపీ గెలుచుకుంది. చంద్రబాబు ఇల్లు కట్టుకుంటున్న వార్డు కూడా వైయస్ఆర్ సీపీ గెలిచింది ఎవరైతే వైయస్ఆర్ సీపీని సపోర్ట్ చేస్తారో.. వారితో ఉచ్చ పోయిస్తాను అని లోకేశ్ అంటున్నాడు. అసలు కట్ డ్రాయర్లపై వీధుల్లో తిప్పే యోచన లోకేశ్కు ఎందుకు వస్తోంది? మాన్యుఫ్యాక్చరింగ్ డిఫెక్ట్ ఏమైనా ఉందా? ఉచ్చ పోయించాలనే కోరిక లోకేశ్కు అంతగా ఉంటే సులభ్ కాంప్లెక్స్ వ్యాపారం చేసుకోవచ్చు. తాము అధికారంలోకి రాగానే రుషికొండలో బిల్డింగ్స్ కొట్టేస్తామని లోకేశ్ అంటున్నాడు. అవి ప్రభుత్వ భూములు.. ప్రభుత్వ భవనాలు.. ప్రజల డబ్బుతో కడుతున్న భవనాలను కూల్చాల్సిన అవసరం ఏముంది..? విజయవాడలో పాదయాత్ర ముగించి సడన్గా 60 కిలోమీటర్ల దూరంలోని ఏలూరులో వెలిశాడు. ఇతనికి ఏదైన్న విఠలాచార్య సినిమాల్లోలా శక్తులేమైనా ఉన్నాయా..? ఏమీ చేయలేని వారు, పనికి మాలిన వారే గొప్పలు చెప్పుకుంటారు. ధైర్యవంతులెవ్వరూ ఇలా బిల్డప్పులు ఇచ్చుకోవడం, జుగుప్సాకరమైన భాష మాట్లాడం చేయరు. విమర్శలకూ ఒక స్థాయి ఉంటుంది. 14 ఏళ్లు ముఖ్యమంత్రిగా చేసిన చంద్రబాబు, ఒక మంత్రిగా చేసిన లోకేశ్ ఈ రకమైన బాష మాట్లాడటం సరికాదు. అసూయ, ద్వేషంతో కూడిన ఒక రకమైన పిరికితనమే దీనికి కారణం. సెల్ ఫోన్, సోలార్ ఎనర్జీ అన్నీ నేను కనిపెట్టాను అంటున్నాడు. ఈ ముసలాయన చంద్రబాబుకు పిచ్చి పీక్స్కి చేరిందని నా భావన. ముందస్తు ఎన్నికలనేది అపోహ మాత్రమే. ఆ ప్రసక్తే లేదని స్పష్టతతో చెప్తున్నా. వచ్చే సోమవారం మాకు కేంద్ర ప్రధాన ఎన్నికల అధికారితో అపాయింట్మెంట్ ఉంది.. అదే రోజు చంద్రబాబుకి ఉంది. మా వాణి మేము వినిపిస్తాం.. టీడీపీ హయాంలో ఎన్ని దొంగ ఓట్లు చేర్చించారు.. ఎన్ని రిమూవ్ చేయాల్సి ఉందనేది మేం వారి దృష్టికి తీసుకెళ్తాం. దొంగ ఓట్ల పార్టీ తెలుగుదేశం పార్టీ అనేది మేం నిరూపిస్తాం. మేము మా పార్టీని క్షేత్ర స్థాయిలో బలోపేతం చేసే దిశగా పల్నాడు జిల్లాలో అన్ని నియోజకవర్గాలపై సమీక్ష నిర్వహించాం. ప్రతి నియోజకవర్గంలో ఇంకా క్షేత్ర స్థాయిలోకి వెళ్లి అందరినీ సమన్వయం చేస్తూ మరిన్ని సమావేశాలు నిర్వహిస్తాం. పార్టీలో ఎటువంటి సమస్యలున్నా తెలుసుకుని పరిష్కరించే దిశగా సమావేశాలు జరుగుతున్నాయి. అందులో భాగంగా నేను, మంత్రి విడుదల రజని, ఆమె మరిది గోపి ముగ్గురమే ఒక గదిలో చర్చలు చేశాం. గంట సేపు మాట్లాడుకున్నాం. కానీ ఈనాడులో ఆ సమావేశంపై ఏదేదో పిచ్చిగా రాశారు. అక్కడ మేం ఏం మాట్లాడుకున్నది వారికెలా తెలుసు?. జర్నలిజమ్ విలువలను పూర్తిగా వదిలేసిన ఈనాడు.. అభూత కల్పనలు రాస్తూ.. నానాటికీ దిగజారుతోంది. చంద్రబాబు బ్రాంతిలో బతుకుతూ సైకలాజికల్ పేషెంట్లా తయారయ్యాడు. రాఖీ పంపిస్తాడట.. దాన్ని పూజగదిలో పెట్టి 40 రోజులు పూజించి, చంద్రబాబును తల్చుకుంటే సమస్యలు పరిష్కరిస్తాడట. ఇది ఎక్కడన్నా జరుగుతుందా? చంద్రబాబుకు నిజంగానే మెంటల్ వచ్చింది. రాష్ట్రం బాగుపడాలన్న ఉద్దేశం చంద్రబాబుకు ఏ మాత్రం లేదు. ఎక్కడ అధికారంలోకి రాకుండా పోతానో అనే భయంతో చంద్రబాబు అలా మాట్లాడుతున్నాడు. ఈ రాష్ట్రంలో పెట్టుబడులు పెట్టొద్దు అని ఎవరైనా చెప్తారా..? చంద్రబాబు, లోకేశ్లు ఏపీ అభివృద్ధికి వ్యతిరేకులు. ఏ అంశంపైనా పూర్తి అవగాహన లేని వ్యక్తులు వీరిద్దరు.. ప్రతి విషయంలోనూ భ్రాంతిలో బతుకుతారు. అలా భ్రాంతిలో ఉండి ఒక సైకలాజికల్ పేషెంట్గా చంద్రబాబు తయారయ్యాడు. చంద్రబాబు రాష్ట్రానికి దరిద్రం. ఆయన ప్రతిపక్ష నాయకుడిగా ఉండటం దురదృష్టకరం ’’అని ఎంపీ విజయసాయిరెడ్డి అన్నారు.
