నూజివీడు: ఏలూరు జిల్లా నూజివీడు మండలంలో టీడీపీకి చెందిన 400 మంది నాయకులు, కార్యకర్తలు వైయ‌స్ఆర్‌సీపీలో చేరారు. దేవరగుంట మాజీ టీడీపీ సర్పంచ్ తాళం వెంకటేశ్వరరావు ఆధ్వర్యంలో ఆయన అనుచరులు వైయ‌స్ఆర్‌సీపీ తీర్థం పుచ్చుకున్నారు. ద్వారకా ఎస్టేట్‌లోని వైయ‌స్ఆర్‌సీపీ కార్యాలయం వద్ద మాజీ ఎమ్మెల్యే మేకా వెంకట ప్రతాప్‌ అప్పారావు సమక్షంలో తాళం వెంకటేశ్వరరావు, ఆయన అనుచరులు పార్టీ కండువాలు కప్పుకున్నారు. కూటమి పాలనపై అసంతృప్తితో చేరిక కూటమి ప్రభుత్వ పాలన తీరు నచ్చకే తాము వైయ‌స్ఆర్‌సీపీలో చేరుతున్నామని తాళం వెంకటేశ్వరరావు, ఆయన అనుచరులు వెల్లడించినట్లు పార్టీ వర్గాలు తెలిపాయి. నూజివీడు మండలంలో జరిగిన ఈ చేరిక స్థానిక రాజకీయాల్లో ప్రాధాన్యం సంతరించుకుంది. ఈ కార్యక్రమంలో మేకా వెంకట ప్రతాప్‌ అప్పారావు కొత్తగా పార్టీలో చేరిన నాయకులు, కార్యకర్తలకు వైయ‌స్ఆర్‌సీపీ కండువాలు కప్పి ఆహ్వానించారు.
