విజయనగరం మేయర్‌ అభ్యర్థిగా కోలగట్ల శ్రావణి నామినేషన్ 

విజయనగరం: విజయనగరం మున్సిపల్‌ కార్పొరేషన్‌ మేయర్‌ అభ్యర్థిగా వైయ‌స్ఆర్‌సీపీ మహిళా విభాగం రాష్ట్ర ప్రధాన కార్యదర్శి, మాజీ డిప్యూటీ మేయర్‌ కోలగట్ల శ్రావణి నామినేషన్‌ దాఖలు చేశారు. వైయ‌స్‌ జగన్‌మోహన్‌రెడ్డి ఆశీస్సులతో పాటు పార్టీ సీనియర్‌ నాయకులు బొత్స సత్యనారాయణ, మాజీ డిప్యూటీ స్పీకర్‌ కోలగట్ల వీరభద్రస్వామి, జిల్లా అధ్యక్షుడు బెల్లాన చంద్రశేఖర్‌, ఎమ్మెల్సీ సురేష్‌బాబు మద్దతుతో ఆమె ఈరోజు నామినేషన్‌ వేశారు.  పార్టీ నాయకత్వం తనపై ఉంచిన నమ్మకంతో మేయర్‌ అభ్యర్థిగా బరిలోకి దిగిన కోలగట్ల శ్రావణి, ఎన్నికల ప్రక్రియలో భాగంగా నామినేషన్‌ దాఖలు చేశారు. మాజీ డిప్యూటీ మేయర్‌గా, పార్టీ మహిళా ప్రధాన కార్యదర్శిగా పనిచేసిన ఆమెకు పార్టీ నాయకుల మద్దతు లభించింది. స్థానిక సంస్థల ఎన్నికల నేపథ్యంలో విజయనగరంలో వైయ‌స్ఆర్‌సీపీ అభ్యర్థుల నామినేషన్ల ప్రక్రియ కొనసాగుతోంది.