వినుకొండ: వినుకొండ పట్టణంలో వైయ‌స్ఆర్‌సీపీ మున్సిపల్‌ చైర్మన్‌ అభ్యర్థి పి.ఎస్‌. ఖాన్‌కు ప్రజల్లో పెరుగుతున్న ఆదరణను చూసి తట్టుకోలేక ఎమ్మెల్యే జీవీ ఆంజనేయులు వర్గం మార్ఫింగ్‌ వీడియోలతో తప్పుడు ప్రచారానికి దిగిందని వైయ‌స్ఆర్‌సీపీ శ్రేణులు మండిపడ్డాయి. ఇలాంటి ప్రచారాలతో ప్రజలను తప్పుదోవ పట్టించలేరని, వినుకొండ ఓటర్లు చైతన్యవంతులని స్పష్టం చేశాయి. పట్టణ అభివృద్ధి, ప్రజా సమస్యల పరిష్కారమే తమకు ముఖ్యమని, ప్రజల ఆకాంక్షలకు అనుగుణంగా పనిచేసే నాయకత్వం కోసం పట్టణ ప్రజలు ఎదురుచూస్తున్నారని పేర్కొన్నాయి. వినుకొండ అభివృద్ధికి వైయ‌స్ఆర్‌సీపీ నాయకత్వం, పి.ఎస్‌. ఖాన్‌ నేతృత్వం తోడ్పడుతుందనే విశ్వాసంతో పార్టీ శ్రేణులు ఎన్నికల ప్రచారాన్ని కొనసాగిస్తున్నాయి. తప్పుడు ప్రచారాలను పక్కనపెట్టి, గత రెండున్నరేళ్లలో వినుకొండ పట్టణానికి చేసిన అభివృద్ధి ఏమిటో ఎమ్మెల్యే జీవీ ఆంజనేయులు ప్రజలకు వివరించాలని వైయ‌స్ఆర్‌సీపీ శ్రేణులు సవాల్‌ చేశాయి. అసత్య ప్రచారాలతో రాజకీయ లబ్ధి పొందాలని చూడకుండా, అభివృద్ధి పనుల ఆధారంగా ప్రజల మద్దతు కోరాలని స్పష్టం చేశాయి.
