నంద్యాల: సెప్టెంబర్ 1వ తేదీన వెలుగోడు రిజర్వాయర్ను సందర్శించి నీటిమట్టాలను పరిశీలించేందుకు రైతులు, ప్రజలు, వైయస్ఆర్సీపీ శ్రేణులతో కలిసి వెళ్లేందుకు అనుమతి కోరినా ప్రభుత్వం నిరాకరించిందని శ్రీశైలం మాజీ ఎమ్మెల్యే శిల్పా చక్రపాణి రెడ్డి తెలిపారు. ట్రాక్టర్లలో వెళ్లేందుకు సిద్ధమైన రైతులను పోలీసులు అడ్డుకోవడంతో పాటు ట్రాక్టర్లు సీజ్ చేస్తామని, కేసులు పెడతామని బెదిరిస్తున్నారని చెప్పారు. రైతుల ప్రయోజనాల కోసం చేపడుతున్న పోరాటాన్ని ఎలాంటి నిర్బంధాలతోనూ ఆపలేరని ఆయన స్పష్టం చేశారు. ఆదివారం శిల్పా చక్రపాణిరెడ్డి తన స్వగృహంలో మీడియాతో మాట్లాడారు. రైతుల కోసం అడుగు ముందుకే ఇప్పటికే వెలుగోడు రిజర్వాయర్ సందర్శనకు అనుమతి కోసం దరఖాస్తు చేశామని శిల్పా చక్రపాణి రెడ్డి తెలిపారు. రైతులతో కలిసి వెళ్లి రిజర్వాయర్లోని నీటిమట్టాలను పరిశీలించాలన్న ఉద్దేశంతో అనుమతి కోరామని, అయితే అనుమతి నిరాకరించారని చెప్పారు. ట్రాక్టర్ల యజమానులకు నోటీసులు ఇచ్చి, వాహనాలను సీజ్ చేస్తామని, కేసులు పెడతామని బెదిరింపులకు పాల్పడుతున్నారని తెలిపారు. కేసులతో భయపెట్టలేరు రైతుల కోసం చేస్తున్న పోరాటంలో కేసులకు భయపడే ప్రసక్తే లేదని శిల్పా చక్రపాణి రెడ్డి స్పష్టం చేశారు. ఇది తన కోసం, పార్టీ కోసం చేస్తున్న పోరాటం కాదని, రైతుల భవిష్యత్తు కోసం చేస్తున్న పోరాటమని చెప్పారు. పార్టీ జెండాలు, అజెండాలు పక్కనపెట్టి రైతులంతా ఒక్కటై ముందుకు రావాలని పిలుపునిచ్చారు. నీరు ఉన్నా రాయలసీమకు ఎందుకు అందడం లేదు? శ్రీశైలం జలాశయంలో నీరు ఉన్నప్పటికీ రాయలసీమలోని ప్రాజెక్టులకు నీరు అందడం లేదని శిల్పా చక్రపాణి రెడ్డి ప్రశ్నించారు. వెలుగోడు, నిప్పులవాగు, కేసీ కెనాల్తో పాటు గోరుకల్లు, ఆవు రిజర్వాయర్, గండిపేట, మైలవరం, బ్రహ్మసాగర్ వంటి ప్రాజెక్టులకు నీటిని అందించాల్సిన అవసరం ఉందన్నారు. సమీప ప్రాజెక్టులకు కనీసం అవసరమైన నీటిని నింపే చర్యలు ప్రభుత్వం తీసుకోవాలని కోరారు. రైతుల పంటలు ఎండిపోతున్నాయి నీటి కోసం రైతులు ఎదురు చూస్తున్నారని శిల్పా చక్రపాణి రెడ్డి తెలిపారు. బోర్ల కింద, లీకేజీ నీటితో సాగు చేసిన పంటలు సైతం ప్రస్తుతం ఎండిపోయే పరిస్థితికి చేరుకున్నాయని చెప్పారు. ఎకరాకు రూ.15 వేల నుంచి రూ.20 వేల వరకు ఖర్చు చేసిన రైతులు పంటను కాపాడుకునేందుకు నీటి కోసం ఎదురుచూస్తున్నారని తెలిపారు. మరో నాలుగైదు రోజులు నీరు అందకపోతే పంటలు దెబ్బతినే పరిస్థితి ఉందన్నారు. వీబీఆర్ను నింపాలి వెలుగోడు బ్యాలెన్సింగ్ రిజర్వాయర్ను కనీసం 15 టీఎంసీల మేరకు నింపాల్సిన అవసరం ఉందని శిల్పా చక్రపాణి రెడ్డి తెలిపారు. రిజర్వాయర్లో ఉన్న నీటి నిల్వలపై అధికారుల నుంచి స్పష్టమైన సమాచారం ఇవ్వాలని కోరారు. తాగునీరు, సాగునీటి అవసరాల కోసం వెలుగోడు, గోరుకల్లు తదితర రిజర్వాయర్లను నింపేందుకు తక్షణ చర్యలు చేపట్టాలని అన్నారు. తెలంగాణకు నీరు.. రాయలసీమకు అన్యాయమా? కృష్ణా నదిలోకి భారీగా నీరు చేరుతున్నప్పటికీ రాయలసీమ అవసరాలకు తగిన విధంగా నీటిని వినియోగించడంలో ప్రభుత్వం విఫలమవుతోందని శిల్పా చక్రపాణి రెడ్డి అన్నారు. ఇతర ప్రాంతాలకు నీరు వెళ్తున్న పరిస్థితుల్లో రాయలసీమ ప్రాజెక్టులు ఎందుకు నింపడం లేదో ప్రభుత్వం ప్రజలకు స్పష్టంగా చెప్పాలని కోరారు. వచ్చిన నీరు ఎక్కడికి వెళ్తోంది, ఎంత నీటిని ఎక్కడ వినియోగిస్తున్నారు అనే వివరాలను ప్రజలకు వెల్లడించాలని అన్నారు. నిర్బంధిస్తే ఉద్యమం మరింత ఉధృతం రైతులను, వైయస్ఆర్సీపీ శ్రేణులను అడ్డుకునేందుకు నిర్బంధాలు కొనసాగిస్తే ఉద్యమాన్ని మరింత ఉధృతం చేస్తామని శిల్పా చక్రపాణి రెడ్డి తెలిపారు. వంటా వార్పు కార్యక్రమంతో పాటు అవసరమైతే రహదారుల దిగ్బంధానికి కూడా సిద్ధమవుతామని చెప్పారు. కలెక్టర్ సహా అధికారులు రైతులకు స్పష్టమైన సమాధానం ఇచ్చే వరకు ఆందోళన కొనసాగుతుందని స్పష్టం చేశారు. ట్రాక్టర్లు ఆపితే ఆటోలు.. ఆటోలు ఆపితే బైకులు ట్రాక్టర్లను అడ్డుకుంటే ఆటోల్లో వస్తామని, ఆటోలను అడ్డుకుంటే బైకుల్లో వస్తామని, బైకులను కూడా అడ్డుకుంటే పాదయాత్రగా వస్తామని శిల్పా చక్రపాణి రెడ్డి స్పష్టం చేశారు. రైతుల హక్కుల కోసం ఎన్ని కేసులు పెట్టినా భయపడే ప్రసక్తే లేదన్నారు. రైతులంతా పార్టీలకు అతీతంగా ఒక్కటై పోరాటానికి సిద్ధం కావాలని పిలుపునిచ్చారు. రైతుల భవిష్యత్తు కోసం పోరాటం శ్రీశైలం జలాశయం కోసం భూములు కోల్పోయి నిర్వాసితులైన కుటుంబాలతో పాటు రాయలసీమ రైతుల ప్రయోజనాలను కాపాడాల్సిన బాధ్యత ప్రభుత్వంపై ఉందని శిల్పా చక్రపాణి రెడ్డి తెలిపారు. నీటి హక్కులను కాపాడుకోవాలంటే ప్రజలు ఐక్యంగా పోరాడాల్సిందేనని అన్నారు. ప్రభుత్వం తక్షణమే స్పందించి వెలుగోడు సహా రాయలసీమ ప్రాజెక్టులకు నీటిని విడుదల చేసి రైతులు, ప్రజల తాగునీరు, సాగునీటి అవసరాలను తీర్చాలని కోరారు. రైతులు ఎక్కడా వెనక్కి తగ్గాల్సిన అవసరం లేదని, తనతో పాటు వైయస్ఆర్సీపీ శ్రేణులు రైతులకు అండగా ఉంటాయని శిల్పా చక్రపాణి రెడ్డి తెలిపారు. నీటి కోసం జరుగుతున్న ఈ పోరాటం రాయలసీమ రైతుల భవిష్యత్తుతో ముడిపడి ఉందని, హక్కు కోసం శాంతియుతంగా, ఐక్యంగా పోరాటాన్ని కొనసాగిస్తామని స్పష్టం చేశారు.
