తాడేపల్లి: తాడేపల్లి లోని వైయ‌స్ఆర్‌ కాంగ్రెస్ పార్టీ కేంద్ర కార్యాలయంలో మహాత్మా జ్యోతిరావు పూలే వ‌ర్థంతి కార్య‌క్ర‌మాన్ని ఘ‌నంగా నిర్వ‌హించారు. పార్టీ నాయ‌కులు పాల్గొని పూలే చిత్ర‌ప‌టానికి పూల‌మాల‌లు వేసి నివాళులు అర్పించారు. మ‌హిళ‌ల ఉన్న‌తి కోసం పాటుబ‌డిన గొప్ప నాయ‌కులు మహాత్మా జ్యోతిరావు పూలే అని కొనియాడారు. లింగ‌వివ‌క్ష‌త‌కు వ్య‌తిరేకంగా ఉద్య‌మించడ‌మే కాకుండా స్వ‌యంగా త‌న భార్య సావిత్రీబాయి పూలేని చ‌దివించి టీచ‌ర్‌ని చేసి ఎంతోమంది మహిళలకు ప్రేర‌ణ‌గా నిలిపారని చెప్పారు. అంతేకాకుండా 175 ఏళ్ల క్రిత‌మే కుల వివ‌క్ష‌త‌కు వ్య‌తిరేకంగా పూలే పోరాడార‌ని, ఆయ‌న ఆశ‌యాల‌ను త‌న ఐదేళ్ల పాలనలో వైయ‌స్ జగన్ గారు కొన‌సాగించార‌ని గుర్తు చేసుకున్నారు. మహిళలకు పాలనలో పెద్ద పీట వేసి 50 శాతం ప‌ద‌వులు ఇచ్చి ప్రోత్స‌హించార‌ని తెలిపారు. ప్రభుత్వంలో కీలకమైన హోంమంత్రి, డిప్యూటీ సీఎం ప‌ద‌వులతో పాటు కార్పొరేష‌న్ చైర్‌ప‌ర్స‌న్లు, జిల్లా పరిష‌త్ చైర్‌ప‌ర్స‌న్లుగా, మేయ‌ర్లుగా మహిళలకు అవ‌కాశం ఇచ్చి గౌర‌వించార‌ని వివ‌రించారు. దేశ చ‌రిత్ర‌లోనే ఏ రాష్ట్రంలో లేనివిధంగా వైయ‌స్ఆర్‌సీపీ హ‌యాంలోనే విద్యా రంగంలో విప్లవాత్మక మార్పులు తీసుకొచ్చార‌ని వైయ‌స్ జగన్ గారి ఐదేళ్ల పాల‌న‌ను కొనియాడారు. ఈ కార్య‌క్ర‌మంలో తాడేపల్లి వైయ‌స్ఆర్‌సీపీ కేంద్ర కార్యాల‌య ఇన్‌చార్జి, ఎమ్మెల్సీ లేళ్ల అప్పిరెడ్డి, మాజీ ఎమ్మెల్యే మ‌ల్లాది విష్ణు, మంగ‌ళ‌గిరి నియోజ‌క‌వ‌ర్గ సమ‌న్వ‌య‌క‌ర్త దొంతిరెడ్డి వేమారెడ్డి, మేయ‌ర్ రాయ‌న భాగ్య‌ల‌క్ష్మి, గ్రీవెన్స్ సెల్ రాష్ట్ర అధ్యక్షులు నారాయణ మూర్తి, స్టేట్ బీసీ సెల్ ప్రధాన కార్యదర్శి షేక్.దస్తగిరి, పార్టీ అనుబంధ విభాగాల అధ్యక్షులు, పార్టీ నాయ‌కులు, కార్యకర్తలు పాల్గొన్నారు. ● లింగ వివ‌క్ష‌త‌ను రూపుమాపారు - మేయ‌ర్ రాయ‌న భాగ్య‌ల‌క్ష్మి మ‌హిళ‌ల ఉన్న‌తి కోసం పాటుబ‌డిన గొప్ప నాయ‌కులు మహాత్మా జ్యోతిరావు పూలే. ఇంటికి దీపం ఇల్లాలు.. అలాంటి మ‌హిళ చ‌దువుకుంటే ప్ర‌తి ఇంట్లో విద్యాకాంతులు వెలిగించ‌వ‌చ్చ‌ని న‌మ్మిన దార్శ‌నికుడాయ‌న. స్వ‌యంగా త‌న భార్య సావిత్రీ బాయి పూలేని చ‌దివించి టీచ‌ర్‌ని చేయ‌డం ద్వారా ఎంతో మంది మహిళలకు ప్రేర‌ణ‌గా నిలిపారు. ఆ రోజుల్లోనే సమాజంలో లింగ వివ‌క్ష‌త‌కు వ్య‌తిరేకంగా ఆయ‌న చేసిన పోరాటం ఫ‌లితంగానే ఈరోజు ఎంతోమంది మ‌హిళ‌లు అన్ని రంగాల్లో రాణిస్తున్నారు. ● 175 ఏళ్ల క్రిత‌మే కుల వివ‌క్ష‌త‌పై ఉద్య‌మం - దొంతిరెడ్డి వేమారెడ్డి 175 ఏళ్ల క్రిత‌మే కుల, మ‌త వివ‌క్ష‌త‌కు వ్య‌తిరేకంగా, మహిళలకు విద్య అందిస్తేనే స‌మ‌స‌మాజం అభివృద్ది చెందుతుంద‌ని ఉద్య‌మించిన దార్శ‌నికుడు మహాత్మా జ్యోతిరావు పూలే. ఆయ‌న భార‌త‌దేశం గ‌ర్వించ‌ద‌గిన నాయ‌కుడు. పూలే ఆశ‌యాల‌తోనే ప్ర‌తి ఒక్క‌రూ ఉన్న‌త చ‌దువుకోవాల‌నే సంక‌ల్పంతోనే దివంగ‌త వైయస్సార్ ఫీజు రీయింబ‌ర్స్‌మెంట్ ప‌థ‌కాన్ని అమ‌లు చేసి ఎంతోమంది పేద విద్యార్థుల‌కు ఉచితంగా చ‌దువులు చెప్పించాడు. ఆయ‌న ప్రోత్సాహంతో చ‌దువుకున్న ఎంతోమంది నేడు ఇంజినీర్లు, డాక్ట‌ర్లుగా ప‌నిచేస్తున్నారు. ఇదే స్ఫూర్తిని మాజీ ముఖ్య‌మంత్రి త‌న ఐదేళ్ల పాలనలో కొన‌సాగించి నాడు-నేడు ద్వారా విద్యా వ్య‌వస్థ‌లో విప్లవాత్మక మార్పుల‌కు నాంది పలికారు. పేద, ధ‌నిక అనే తేడా లేకుండా అంద‌రికీ నాణ్య‌మైన విద్య అందించాల‌ని త‌పించిన గొప్ప నాయ‌కులు వైయ‌స్ జగన్ గారు. అందులో భాగంగానే విద్యార్థుల‌కు కాలేజీ ఫీజులు ఎంతుంటే అంత మొత్త‌మూ చెల్లించి వారి చ‌దువుల‌కు అండ‌గా నిలిచారు. వైయ‌స్ జగన్ గారి నాయ‌క‌త్వంలో వైయ‌స్ఆర్‌సీపీహ‌యాంలో విద్య, వైద్యం, వ్య‌వ‌సాయ రంగాల్లో ఎన్నో గొప్ప మార్పులు తీసుకొచ్చారు. కానీ కూట‌మి ప్ర‌భుత్వం వ‌చ్చాక వాటిని పూర్తిగా నిర్వీర్యం చేసింది. ● పూలే ఆశ‌యాల‌తో వైయ‌స్ జగన్ పాల‌న - మాజీ ఎమ్మెల్యే మ‌ల్లాది విష్ణు మహాత్మా జ్యోతిరావు పూలే సిద్ధాంతాల‌తోనే మ‌హిళ‌ల అభ్యున్న‌తికి వైయస్సార్ కాంగ్రెస్ పార్టీ ప‌నిచేస్తోంది. వైయ‌స్ఆర్‌సీపీ హ‌యాంలో మహిళలకు రాజ్యాధికారం ల‌క్ష్యంగా వైయ‌స్ జగన్ గారు ఎన్నో ఉన్న‌త ప‌ద‌వులు ఇచ్చి ప్రోత్స‌హించారు. విద్యారంగాన్ని బ‌లోపేతం చేయ‌డం కోసం గ‌త వైయ‌స్ఆర్‌సీపీ ప్ర‌భుత్వం చేసిన ఖ‌ర్చును దేశ చ‌రిత్ర‌లో ఏ ప్ర‌భుత్వ‌మూ చేయ‌లేదు. అవినీతికి తావు లేకుండా డీబీటీ ద్వారా ల‌బ్ధిదారుల ఖాతాల్లోకే నేరుగా న‌గ‌దు జ‌మ చేసి పాలనలో పార‌ద‌ర్శ‌క‌త చూపించిన గొప్ప మాన‌వ‌తావాది వైయ‌స్ జగన్ గారు. పేద‌రిక నిర్మూల‌న ధ్యేయంగా ఆయ‌న ప్ర‌వేశ‌పెట్టిన ప‌థ‌కాలు సమాజంలో ఎన్నో మార్పులు తీసుకొచ్చాయి. ● వైయ‌స్ఆర్‌సీపీ పాలనలో మహిళలకు పెద్ద పీట - ఎమ్మెల్సీ లేళ్ల అప్పిరెడ్డి అస‌మాన‌త‌లు లేని న‌వ స‌మాజ నిర్మాణ‌మే ల‌క్ష్యంగా మహాత్మా జ్యోతిరావు పూలే ఉద్య‌మించారు. మాజీ సీఎం వైయ‌స్ జగన్ త‌న ఐదేళ్ల పాలనలో ఇవే ఆశ‌యాల‌తో ప‌నిచేశారు. పాలనలో కులం, మ‌తం, పార్టీ, చూడ‌కుండా రాజ‌కీయాల‌కు తావు లేకుండా అర్హ‌తే ప్రామాణికంగా ప‌థ‌కాల‌ను అందించారు. విద్య, వైద్య రంగాల‌ను బ‌లోపేతం చేశారు. సమాజంలో మార్పును తీసుకొచ్చే శ‌క్తి విద్య‌కే ఉంద‌ని న‌మ్మిన వ్య‌క్తి వైయ‌స్ జగన్ గారు. మ‌హిళ‌లు రాణిస్తేనే స‌మాజం పురోగ‌మిస్తుంద‌ని న‌మ్మి పార్టీ ప‌ద‌వులు, ప్ర‌భుత్వ ప‌ద‌వుల్లో మహిళలకు 50 శాతం ప‌దవులిచ్చి గౌర‌వించారు. వైయ‌స్ఆర్‌సీపీ ప్రభుత్వంలో కీలకమైన హోంమంత్రి ప‌ద‌విని మ‌హిళ‌ల‌కే అప్ప‌జెప్పారు. ఎన్నో కార్పొరేష‌న్ల‌కు చైర్మ‌న్లుగా, జెడ్పీ చైర్‌ ప‌ర్స‌న్లుగా, మేయ‌ర్లుగా మ‌హిళ‌ల‌నే నియమించారని ఎమ్మెల్సీ లేళ్ల అప్పిరెడ్డి స్పష్టంచేశారు.
