విజయమ్మ 'కరెంటు సత్యాగ్రహం' ప్రారంభం

అంతకు ముందు.. లోటస్‌పాండ్‌లోని తమ నివాసం నుంచి ఎమ్మెల్యేలు, ఎమ్మెల్సీలు, పార్టీ ముఖ్య నాయకులు, అభిమానులు, కార్యకర్తలతో కలిసి బయలుదేరి పంజాగుట్టకు శ్రీమతి విజయమ్మ చేరుకున్నారు. అక్కడ ఉన్న మహానేత వైయస్‌ఆర్‌ విగ్రహానికి పూలమాల వేసి నివాళులు అర్పించారు. అక్కడి నుంచి ఆమె బషీర్‌బాగ్‌లో ఉన్న విద్యుత్‌ ఉద్యమ అమరవీరుల స్తూపం వద్దకు వెళ్ళారు. అక్కడ అమరవీరులకు శ్రద్ధాంజలి ఘటించారు. అక్కడి నుంచి విద్యుత్‌ సంక్షోభం, ప్రభుత్వం తీరును ప్రతిబింబించేలా రూపొందించిన ప్లకార్డులు చేత పట్టుకుని న్యూ ఎమ్మెల్యే క్వార్టర్సులోని 'కరెంటు సత్యాగ్రహం' దీక్షా వేదిక వరకూ పాదయాత్రగా శ్రీమతి విజయమ్మ వెళ్ళారు. పార్టీ ఎమ్మెల్యేలు, ఎమ్మెల్సీలు, ముఖ్యనేతలంతా విజయమ్మ వెంట నడిచారు.

'కరెంటు సత్యాగ్రహం' దీక్షా వేదికపై వైయస్‌ఆర్ విగ్రహానికి పూలమాల వేసి నివాళు‌లు అర్పించిన అనంతరం శ్రీమతి విజయమ్మ ప్రసంగించారు. తరువాత శ్రీమతి ఆమరణ దీక్షకు కూర్చున్నారు.

 

'వైయస్ఆర్ అమర్ రహే' అంటూ పార్టీ శ్రేణులు చేసిన నినాదాలతో ప్రాంగణ మారుమోగింది. మహానేత వైయస్ఆర్ విగ్రహం ముందు 'అంధకారంలో రాష్ట్రం... అయోమయంలో ప్రభుత్వం' అని నినాదం రాసిన ప్లకార్డు అందరినీ ఆకర్షించింది.