జోహాన్స్‌బర్గ్: తెలుగు రాష్ట్రాల్లోనే కాకుండా విదేశాల్లోను వైయ‌స్ఆర్‌ కాంగ్రెస్‌ పార్టీ అధ్యక్షులు, ఏపీ ప్రతిపక్ష నేత వైయ‌స్‌ జగన్‌మోహన్‌రెడ్డి జన్మదిన వేడుకలను ఆయన అభిమానులు ఘనంగా నిర్వహిస్తున్నారు. సౌతాఫిక్రాలో ఓ అభిమాని జననేతపై తనకున్న అభిమానాన్ని విభిన్నంగా చాటుకున్నారు.

గురజాల మాజీ శాసన సభ్యుడు కొత్త వెంకటేశ్వర్లు మనమడు కొత్త రామకృష్ణ సౌతాఫ్రికాలో ఉంటున్నారు. వైఎస్‌ జగన్‌పై ఎప్పుడు తన అభిమానాన్ని చాటుకునే రామకృష్ణ ఈ సారి జననేతకు తనదైన శైలిలో జన్మదిన శుభాకాంక్షలు తెలపాలని భావించారు. అందుకోసం స్కై డైవ్‌ చేద్దామని నిర్ణయించుకున్నారు. వైయ‌స్‌ జగన్‌ ఫొటోతో 11 వేల అడుగుల ఎత్తు నుంచి స్కై డైవ్‌ చేసి.. జననేతకు జన్మదిన శుభాకాంక్షలు చెప్పారు.