మదనపల్లి : వైయస్ఆర్సీపీ అధ్యక్షులు, మాజీ ముఖ్యమంత్రి వైయస్ జగన్మోహన్రెడ్డి ఆదేశాల మేరకు డీఎస్సీ–2025 నియామకాల్లో చోటుచేసుకున్న అక్రమాలపై సీబీఐ విచారణ జరిపించాలని డిమాండ్ చేస్తూ అన్నమయ్య జిల్లా వైయస్ఆర్సీపీ ఆధ్వర్యంలో మదనపల్లి కలెక్టరేట్ వద్ద నిరసన కార్యక్రమం నిర్వహించారు. అనంతరం మాజీ మంత్రి, ఎమ్మెల్యే పెద్దిరెడ్డి రామచంద్రారెడ్డి, వైయస్ఆర్సీపీ అన్నమయ్య జిల్లా అధ్యక్షుడు, రాజంపేట ఎమ్మెల్యే ఆకేపాటి అమర్నాథ్రెడ్డి తదితరులు జాయింట్ కలెక్టర్కు వినతిపత్రం అందజేశారు. డీఎస్సీ అక్రమాలపై సీబీఐ విచారణ జరపాలి డీఎస్సీ–2025 నియామక ప్రక్రియలో చోటుచేసుకున్న అక్రమాలు, పరీక్షల లీకేజీ వ్యవహారంపై సీబీఐతో సమగ్ర విచారణ జరిపించాలని వైయస్ఆర్సీపీ నేతలు డిమాండ్ చేశారు. అక్రమాలకు బాధ్యులైన వారిని గుర్తించి కఠిన చర్యలు తీసుకోవడంతో పాటు అభ్యర్థులకు న్యాయం చేయాలని కోరారు. మంత్రి నారా లోకేష్ రాజీనామా చేయాలి డీఎస్సీ పరీక్షల నిర్వహణలో చోటుచేసుకున్న లీకేజీలు, అక్రమాలకు నైతిక బాధ్యత వహిస్తూ విద్యాశాఖ మంత్రి నారా లోకేష్ వెంటనే తన పదవికి రాజీనామా చేయాలని డిమాండ్ చేశారు. నిరుద్యోగ యువత భవిష్యత్తుతో ముడిపడిన నియామక ప్రక్రియను అత్యంత పారదర్శకంగా నిర్వహించాల్సిన బాధ్యత ప్రభుత్వంపై ఉందని స్పష్టం చేశారు. విద్యాదీవెన, వసతిదీవెన బకాయిలు చెల్లించాలి విద్యార్థులకు రావాల్సిన విద్యాదీవెన, వసతిదీవెన బకాయిలను తక్షణమే విడుదల చేయాలని** డిమాండ్ చేశారు. బకాయిలు చెల్లించకపోవడంతో పేద, మధ్యతరగతి విద్యార్థులు, వారి తల్లిదండ్రులు ఇబ్బందులు ఎదుర్కొంటున్నారని పేర్కొన్నారు. నిరుద్యోగ భృతిని వెంటనే అమలు చేయాలి ఎన్నికల సమయంలో ఇచ్చిన హామీ మేరకు నిరుద్యోగ యువతకు నిరుద్యోగ భృతిని తక్షణమే అమలు చేయాలని ప్రభుత్వాన్ని డిమాండ్ చేశారు. యువతకు ఇచ్చిన హామీలను విస్మరించకుండా వాటిని అమలు చేయాలని కోరారు. ఈ కార్యక్రమంలో ఎమ్మెల్యేలు పెద్దిరెడ్డి రామచంద్రారెడ్డి, పెద్దిరెడ్డి ద్వారకానాథ్రెడ్డి , వైయస్ఆర్సీపీ అన్నమయ్య జిల్లా అధ్యక్షుడు, రాజంపేట ఎమ్మెల్యే ఆకేపాటి అమర్నాథ్రెడ్డి , మాజీ ఎమ్మెల్యే చింతల రామచంద్రారెడ్డి , మదనపల్లి వైయస్ఆర్సీపీ ఇన్ఛార్జ్ నిస్సార్ అహ్మద్ , అనీషా రెడ్డి , అన్నమయ్య జిల్లా వైయస్ఆర్సీపీ పార్టీ మేనేజర్ వెంకట రామిరెడ్డి , నితిన్ రెడ్డి తో పాటు జిల్లా పార్టీ నాయకులు, కార్యకర్తలు పెద్ద సంఖ్యలో పాల్గొన్నారు.
