ఇంటింటికీ ఆరోగ్య సేవలను అందించడమే వైయ‌స్ జ‌గ‌న్ లక్ష్యం 

అమ‌రావ‌తి:  గ్రామ స్థాయిలో ఇంటింటికీ ఆరోగ్య సేవలను అందించడమే సీఎం వైయ‌స్ జ‌గ‌న్ మోహ‌న్ రెడ్డి ల‌క్ష్య‌మ‌ని వైయ‌స్ఆర్ కాంగ్రెస్ పార్టీ కీల‌క నేత‌, రీజిన‌ల్ కో-ఆర్డినేట‌ర్‌, టీటీడీ చైర్మ‌న్ వైవీ సుబ్బారెడ్డి అన్నారు. ఇందుకోసం 10,032 వైయ‌స్సార్ విలేజ్ హెల్త్ క్లినిక్లను ఏర్పాటు చేసి, ప్రతి క్లినిక్‌లో ఒక ఏఎన్ఎం, ఒక ఎంఎల్‌హెచ్‌పీ, ఆశా వ‌ర్క‌ర్లు ను నియమించార‌న్నారు. ముఖ్య‌మంత్రి వైయ‌స్ జ‌గ‌న్ మోహ‌న్ రెడ్డి ఆంధ్ర‌ప్ర‌దేశ్ రాష్ట్రంలో చేస్తున్న సుప‌రిపాల‌న‌ను ప్ర‌పంచ న‌లుమూల‌ల్లో చాటిచెబుదామ‌ని ఆయ‌న‌ పిలుపునిచ్చారు. అమెరికాలోని శాన్ అంటోనియో, టెక్సాస్ లో జరుగుతున్న అమెరికన్ అసోసియేషన్ ఫర్ ఫిజిషియన్స్ అఫ్ ఇండియన్ ఆరిజన్ (AAPI) మహాసభలలో వైవీ సుబ్బారెడ్డి  ఆంధ్రప్రదేశ్ రాష్ట్రం తరఫున  ప్రత్యేక అతిథిగా హాజరయ్యారు. ఆంధ్రప్రదేశ్ రాష్ట్ర గౌరవ ముఖ్యమంత్రి శ్రీ వై.య‌స్. జగన్ మోహన్ రెడ్డి  వైద్య రంగంలో చేపట్టిన, చేపట్టబోతున్న అభివృద్ది గురించి ప్రసంగించారు.

 ప్రభుత్వ సౌకర్యాలను మెరుగుపరచడానికి రాష్ట్ర వాసులకు వారి స్వంత రాష్ట్రంలో ఆరోగ్య సంరక్షణను అందించే లక్ష్యంతో హాస్పిటల్స్ & హెల్త్ సెంటర్లను బలోపేతం చేసింది. గ్రామ స్థాయిలో ఇంటింటికీ ఆరోగ్య సేవలను అందించడమే లక్ష్యంగా 10,032 వైయ‌స్సార్ విలేజ్ హెల్త్ క్లినిక్లను ఏర్పాటు చేసి, ప్రతి క్లినిక్‌లో ఒక ఏఎన్ఎం, ఒక ఎంఎల్‌హెచ్‌పీ, ఆశా వ‌ర్క‌ర్లు ను నియమించారు. నాడు-నేడులో భాగంగా 977 పీహెచ్‌సీలు పునరుద్ధరించబడ్డాయి. 148 పీహెచ్‌సీలు నిర్మాణంలో ఉన్నాయి. అంతే కాకుండా పట్టణాలలో 556 పీహెచ్‌సీలు ఏర్పాటు చేశారు. ప్రతి 30,000 జనాభాకు ఒక యూపీహెచ్‌సీ..అందులో సరిపడ సిబ్బందిని నియమించారు.

నాడు-నేడు కింద ఆరోగ్య సంరక్షణ మౌలిక సదుపాయాలను మెరుగుపరచడానికి ప్రభుత్వం రూ.12,268 కోట్లను కేటాయించింది. ప్రతి పార్లమెంట్ నియోజకవర్గంలో కనీసం ఒక మెడికల్ కళాశాల ఉండేలా రూ.7,880 కోట్ల అంచనా వ్యయంతో 16 కొత్త మెడికల్ కాలేజీల నిర్మాణం చేపట్టేందుకు సన్నాహాలు చేస్తోంది. ఈ కాలేజీల్లో 1,850 ఎంబీబీఎస్ సీట్లు అందుబాటులోకి రానున్నాయి. 750 ఎంబీబీఎస్ సీట్లకు 2023-24 అడ్మిషన్ల కోసం 5 కొత్త మెడికల్ కాలేజీలు తెరవబడతాయి.

సుమారు రూ.43 కోట్ల వ్యయంతో 5 జనరల్ హాస్పిటల్స్ టీచింగ్ హాస్పిటల్స్గా మార్చబడుతున్నాయి. పెరుగుతున్న డిమాండ్ను దృష్టిలో ఉంచుకుని వైద్య మౌలిక సదుపాయాలు మరియు సౌకర్యాలను బలోపేతం చేయడం, సమీపంలోనే ప్రజలకు ఎండ్ టు ఎండ్ మెడికల్ కేర్ను అందుబాటులో ఉంచడం ప్రభుత్వ లక్ష్యమని తెలిపారు

ఇవే కాకుండా జెనెటిక్స్, బోన్ మ్యారో ట్రాన్స్ప్లాంటేషన్, ఇమ్యునాలజీ వంటి అసాధారణ విభాగాలతో కూడిన అత్యాధునిక ప్రపంచ స్థాయి పీడియాట్రిక్ (చిన్న పిల్లల) సూపర్ స్పెషాలిటీ హాస్పిటల్ను ప్రారంభించింది. రాష్ట్రంలోని రాయలసీమ, కోస్తా ఆంధ్ర & ఉత్తర ఆంధ్రాలలో ఇటువంటి   3 ఆసుపత్రులను అందించాలనే లక్ష్యంతో ప్రభుత్వం ముందుకెల్తోంది. ఇందులో భాగంగా  విజయవాడ జీజీహెచ్‌లో మొదటి జెనోమిక్ ల్యాబ్ను ప్రారంభించింది. 

రాష్ట్ర ప్రభుత్వం మొదటిసారిగా WHO/GMP సర్టిఫైడ్ ఔషధాలను తయారీదారుల నుండి నేరుగా కొనుగోలు చేయడంతో పాటు మొదటిసారిగా బోధనాసుపత్రులలో ఉచితంగా CT & MRI స్కాన్ మరియు CATH ల్యాబ్ సేవలను ప్రారంభించింది.

డా.వైయ‌స్ఆర్ ఆరోగ్యశ్రీ,  ఆరోగ్య బీమా పథకం ద్వారా బిపిఎల్ కుటుంబాలకు (ఆదాయ పరిమితి రూ. 5 లక్షలు) వివిధ రకాలైన 2,446 శస్త్ర చికిత్సల కోసం  కొన్ని ఆసుపత్రులతో ఒప్పందం కుదుర్చుకుంది. ఈ పథకం ద్వారా ఇప్పటివరకు 1.44 కోట్ల కుటుంబాలకు లబ్ధి చేకూరింది.

దీర్ఘకాలిక వ్యాధులతో బాధపడుతున్న రోగులకు నెలకు రూ.10,000 వరకు పెన్షన్ అందిస్తుంది. నెలవారీ రూ.35.01 కోట్ల పంపిణీతో 68,874 మంది వ్యక్తులు ఈ పథకం ద్వారా లబ్ధి పొందారు. ఆరోగ్య ఆసరా ద్వారా రోగులకు, సామాజిక-ఆర్థికంగా మద్దతు ఇవ్వడానికి వారి కోలుకునే కాలంలో కూడా ప్రభుత్వం రోగికి నగదు ప్రయోజనాన్ని అందిస్తుంది. 

ఆరోగ్యశ్రీ కింద కోవిడ్, బ్లాక్ ఫంగస్ రెండింటినీ చేర్చడం ద్వారా ఉచిత కోవిడ్ చికిత్సను అందించిన ఏకైక రాష్ట్రం ఆంధ్రప్రదేశ్ అని అన్నారు.

క్యాన్సర్ కేర్ సెంటర్లను ఏర్పాటు చేసేందుకు 07 మెడికల్ కాలేజీలను ప్రభుత్వం గుర్తించింది. మొదటి దశలో 03 ఎక్సలెన్స్ కేంద్రాలను ఏర్పాటు చేసి, ఒక్కో కేంద్రానికి రూ.500 కోట్లు కేటాయించారు. టాటా ట్రస్ట్తో సహకారంతో  రూ.190 కోట్ల వ్యయంతో తిరుపతిలో అధునాతన క్యాన్సర్ కేర్ సెంటర్ స్థాపించబడింది. అన్ని రకాల క్యాన్సర్లను ఎదుర్కోవడానికి HOMI BHABHA క్యాన్సర్ హాస్పిటల్తో MoU చేసుకోవడం, ప్రముఖ రేడియేషన్ ఆంకాలజిస్ట్ డాక్టర్ నోరి దత్తాత్రేయుడుని  ప్రభుత్వ సలహాదారుగా నియమించడం జరిగింది. రేడియేషన్, కీమో, సర్జికల్ ఆంకాలజీ ఇన్ఫ్రాస్ట్రక్చర్... మొత్తం 26 మెడికల్ కాలేజీలలో (పాత , కొత్త) దశలవారీగా ఏర్పాటు చేయబడుతుంది.

రాష్ట్ర చరిత్రలోనే అతిపెద్ద నియామక ప్రక్రియ ద్వారా  35,998 మంది వైద్య సిబ్బందిని నియమించడం జరిగింది.

108 ఎమర్జెన్సీ రెస్పాన్స్ సర్వీస్ (24 గంటల ఎమర్జెన్సీ హెల్త్ ట్రాన్స్పోర్టేషన్ సౌకర్యం, ఆరోగ్య సంరక్షణ సలహా సేవలను అందించడానికి మండలానికి ఒకటి చొప్పున 656 మొబైల్ మెడికల్ యూనిట్లు (104 వాహనాలు), 24x7 ఆరోగ్య సేవను అందించడానికి 27 మంది వైద్య అధికారులు మరియు 306 కాల్ ఎగ్జిక్యూటివ్లతో 104 టోల్-ఫ్రీ కాల్-సెంటర్, సమగ్ర కంటి సంరక్షణ మరియు దృష్టి లోపాలను నివారించడానికి డాక్టర్ వైయ‌స్ఆర్ కంటి వెలుగు, మెటర్నిటీ మోర్టాలిటి రేట్ తగ్గించడానికి తల్లి బిడ్డ ఎక్స్ప్రెస్ వాహనాలు ఏర్పాటు చేయడం జరిగిందన్నారు.

ఆంధ్రప్రదేశ్ ప్రభుత్వరంగ సంస్థ APNRTS అధ్యక్షులు వెంకట్. ఎస్. మేడపాటి మాట్లాడుతూ.. ఆరోగ్యాంధ్రప్రదేశ్ లక్ష్యంగా గౌరవ ముఖ్యమంత్రి  వైద్య రంగంలో అనేక సంస్కరణలు చేపడుతున్నారు. ఇందులో భాగంగా  మీరు (NRIs) ముందుకువచ్చి రాష్ట్రానికి మీ వంతు తోడ్పాటు అందించాలని కోరారు.

ముఖ్యమంత్రి ప్రత్యేక ప్రధాన కార్యదర్శి మరియు ఆరోగ్యశ్రీ & CMRF ఇంచార్జ్ శ్రీ డా. హరికృష్ణ గారు మరియు డా. వాసుదేవ రెడ్డి నలిపిరెడ్డి ఈ కార్యక్రమాన్ని సమన్వయం చేసారు. ఉత్తర అమెరికాలో రాష్ట్ర  ప్రభుత్వ ప్రతినిధి  రత్నాకర్ పండుగాయల, NATA అధ్యక్షులు శ్రీ శ్రీధర్ రెడ్డి కొర్సపాటి, శ్రీ. సి. సుబ్బా రెడ్డి మరియు SVBC డైరెక్టర్  శ్రీనివాస్ రెడ్డి తదితరులు పాల్గొన్నారు.

జూన్ 23 నుండి 26వ తేదీ వరకు జరిగే  ఈ మహాసభల కార్యనిర్వాహకవర్గం  డా. అనుపమ గోటిముకుల- ప్రెసిడెంట్, పీడియాట్రిక్ కార్డియాక్ అనస్థీషియాలజీ, రవి కొల్లి- రాబోయే ప్రెసిడెంట్ సైకియాట్రీ, డా.  సతీష్ కతుల. VP- Hem/Onc, డా. మెహర్ మేడవరం- కార్యదర్శి, IM, డా. లోకేష్ ఎడారా BOT- అలెర్జీ ఇమ్యునాలజీ, డా.  శ్రీనగేష్ పలువోయ్ BOT- అలెర్జీ ఇమ్యునాలజీ, డా.  సునీల్ కాజా- BOT కార్డియాలజీ, డా. సుధాకర్ జొన్నలగడ్డ మాజీ అధ్యక్షులు, జి.ఐ, డా. సురేష్‌రెడ్డి - మాజీ అధ్యక్షులు, డా.  సీనింగ్ గంగాసాని- పాస్ట్ BOT, జార్జియా స్టేట్ మెడికల్ బోర్డ్, డా.  రఘు లోలాభట్టు BOT- IM, డా. సుజీత్ పున్నం RD, కార్డియాలజీ....  . వై.వీ. సుబ్బా రెడ్డిని, ఏపీ నుండి వచ్చిన ప్రతినిధులను రిసీవ్ చేసుకున్నారు.