పల్నాడు: ఎన్నిక‌ల వేళ తెలుగు దేశం, జనసేన పార్టీల నుంచి భారీగా వ‌ల‌స‌లు మొద‌ల‌య్యాయి. వైయస్ జగన్ మోహ‌న్ రెడ్డి సంక్షేమ పాల‌న‌కు ఆక‌ర్శితులైన టీడీపీ, జనసేన కీలక నేతలు వైయ‌స్ఆర్‌సీపీ తీర్థం పుచ్చుకుంటున్నారు. ఇవాళ మేమంతా సిద్దం బస్సుయాత్రలో పల్నాడు జిల్లా గంటావారిపాలెం నైట్‌ స్టే పాయింట్‌ వద్ద ముఖ్యమంత్రి వైయస్.జగన్ సమక్షంలో జనసేన, తెలుగుదేశం పార్టీల నుంచి వైయస్ఆర్ కాంగ్రెస్‌ పార్టీలో పలువురు మాజీ ఎమ్మెల్యేలు, కీలక నేతలు చేరారు. పి.గన్నవరం జనసేన నుంచి మాజీ ఎమ్మెల్యే పాముల రాజేశ్వరీదేవి వైయస్ఆర్ కాంగ్రెస్‌ పార్టీలో చేరారు. జనసేన నుంచి పాముల ప్రకాష్, కాండ్రేగుల అనంతబాబు, జనసేన జిల్లా కార్యదర్శి పోతు కాశీ, మాజీ డీసీసీబీ డైరెక్టర్‌ బొంతు జవహర్‌లాల్, మాజీ ఎంపీటీసీ జి ప్రభువర్మ, వై.నాగరాజు, చిలకపాటిశ్రీను, పలువురు ఇతర నేతలు వైయ‌స్ఆర్‌సీపీలో చేరారు. రాయచోటి తెలుగుదేశం పార్టీ నుంచి మాజీ ఎమ్మెల్యే ఆర్‌ రమేష్ కుమార్‌ రెడ్డి వైయస్ఆర్ కాంగ్రెస్‌ పార్టీలో చేరిక. టీడీపీ నుంచి లక్కిరెడ్డిపల్లె మాజీ జెడ్పీటీసీ మోహనరెడ్డి, లక్కిరెడ్డిపల్లె మాజీ ఎంపీపీ ఉమాపతిరెడ్డి, మార్కెటింగ్‌ కమిటీ మాజీ చైర్మన్‌ కె ప్రభాకరరెడ్డి, హాస్పిటల్‌ కమిటీ మాజీ చైర్మన్‌ షేక్‌ హుస్సేన్, టీడీపీ రాష్ట్ర కార్యదర్శి ఓలుదాసు కృష్ణమూర్తి, దివ్యకుమార్‌రెడ్డి, పలువురు ఇతర నేతలు వైయస్ జగన్ సమక్షంలో వైయ‌స్ఆర్‌సీపీలో చేరారు. విజయవాడ వెస్ట్‌ నియోజకవర్గ జనసేన ఇన్‌ఛార్జ్‌ పోతిన మహేష్ సీఎం వైయస్ జగన్ సమక్షంలో వైయస్ఆర్ కాంగ్రెస్‌ పార్టీలో చేరారు. జనసేన నుంచి విజయవాడ పట్టణ ఉపాధ్యక్షుడు వెన్న శివశంకర్, పశ్చిమ నియోజకవర్గం డివిజన్‌ అధ్యక్షులు షేక్‌ అమీర్‌ బాషా, పి శ్రీనివాసరావు, ఎస్‌ రాముగుప్తా, పిల్లా వంశీకృష్ణ, సోమి గోవిందరావు, ఎం.హనుమాన్, సయ్యద్‌ మొబీనా, జెల్లి రమేష్, పలువురు ఇతర నేతలు సీఎం వైయస్ జగన్ సమక్షంలో వైయ‌స్ఆర్‌సీపీలో చేరారు పార్టీ నేత‌ల‌కు దిశానిర్దేశం మేమంతా సిద్ధం బ‌స్సు యాత్ర‌లో భాగంగా ఉద‌యం వైయ‌స్ఆర్‌సీపీ నేత‌ల‌కు పార్టీ అధినేత వైయస్ జగన్ మోహ‌న్ రెడ్డి దిశానిర్దేశం చేశారు. గంటావారిపాలెం నైట్‌ స్టే పాయింట్‌ వద్ద ముఖ్యమంత్రి వైయస్.జగన్‌ను పల్నాడు జిల్లాకు చెందిన వైయస్ఆర్ కాంగ్రెస్‌ పార్టీ నేతలు క‌లిశారు. పలువురు పార్టీ నేతలు, సీనియర్‌ కార్యకర్తలను పేరుపేరునా పలకరిస్తూ... యోగక్షేమాలు అడిగి తెలుసుకున్న సీఎం వైయస్.జగన్. కార్య‌క్ర‌మంలో ఎంపీలు వైవీ సుబ్బారెడ్డి, ఆళ్ల అయోధ్య రామిరెడ్డి, పెద్దిరెడ్డి మిథున్‌రెడ్డి, ఎమ్మెల్యేలు గ‌డికోట శ్రీ‌కాంత్‌రెడ్డి, రాపాక వ‌ర‌ప్ర‌సాద్‌, త‌దిత‌రులు పాల్గొన్నారు.
