అన్నమయ్య కాలిబాటను అభివృద్ధి చేస్తాం

వైయస్‌ఆర్‌ జిల్లా: ఐదు శతాబ్దాల క్రితం తిరుమలకు అన్నమయ్య నడిచిన కాలిబాటను అభివృద్ధి చేస్తామన్నాని డిప్యూటీ సీఎం అంజాద్‌ బాషా చెప్పారు.  వైయస్‌ఆర్‌ సీపీ రాజంపేట పార్లమెంటరీ జిల్లా అధ్యక్షుడు ఆకేపాటి అమర్‌నాథ్‌ రెడ్డి చేపట్టిన 17వ తిరుమల మహా పాదయాత్రలో శనివారం ఆయన పాల్గొన్నారు. పల్లంపేట మండలం అప్పయ్యరాజు పేట వద్ద ఆకేపాటి పాదయాత్ర చేరుకున్న క్రమంలో డిప్యూటీ సీఎం అంజాద్‌బాషా ఆకేపాటిని కలిశారు. అనంతరం డిప్యూటీ సీఎం మీడియాతో మాట్లాడుతూ.. అన్నమయ్య కాలిబాట మార్గం అభివృద్ధికి ముఖ్యమంత్రి వైయస్‌ జగన్‌మోహన్‌రెడ్డి కూడా సుముఖంగా ఉన్నారన్నారు. తిరుమల మహా పాదయాత్రలో పాల్గొనడం ఆనందంగా ఉందన్నారు. ఈ కార్యక్రమంలో కడప పార్లమెంటరీ అధ్యక్షుడు సురేష్‌బాబు కూడా పాల్గొన్నారు.