సచివాలయం: దేశంలో ఎక్కడా లేని విధంగా సంక్షేమ పథకాల క్యాలెండర్ను సీఎం వైయస్ జగన్మోహన్రెడ్డి తీసుకువచ్చారని, ఏ మాసంలో ఏ సంక్షేమ పథకాన్ని అమలు చేస్తున్నామో.. ముందుగానే ప్రకటించి అమలు చేస్తున్నామని సమాచార శాఖ మంత్రి పేర్ని నాని తెలిపారు. 2021–22 సంవత్సరానికి గానూ జగనన్న సంక్షేమ క్యాలెండర్ను విడుదల చేస్తున్నామని చెప్పారు. ప్రజలకు ఎలాంటి సందేహాలు లేకుండా.. ఏ మాసంలో ఏ పథకాన్ని ప్రభుత్వం అమలు చేస్తుందో ప్రజలకు తెలియజేయడం జరుగుతుందన్నారు. ఈ మేరకు సచివాలయంలో నిర్వహించిన విలేకరుల సమావేశంలో సంక్షేమ పథకాల క్యాలెండర్ వివరాలను మంత్రి పేర్ని నాని వెల్లడించారు. ఏప్రిల్ మాసంలో – జగనన్న వసతి దీవెన మొదటి విడత. – జగనన్న విద్యా దీవెన మొదటి విడత. – 2019 రబీకి రైతులకు సున్నావడ్డీ చెల్లింపులు. – డ్వాక్రా మహిళలకు సున్నావడ్డీ చెల్లింపులు మే మాసంలో.. – 2020 ఖరీఫ్కు సంబంధించిన పంటల బీమా చెల్లింపులు – వైయస్ఆర్ రైతు భరోసా పథకం – వేట నిషేధ సమయంలో మత్స్యకారులకు అందించే మత్స్యకార భరోసా పథకం, డీజిల్ సబ్సిడీ కూడా అమలు చేయనున్నాం. జూన్ మాసంలో – వైయస్ఆర్ చేయూత పథకం. (బీసీ, ఎస్సీ, ఎస్టీ, మైనార్టీలకు చెందిన 45 సంవత్సరాల నుంచి 60 ఏళ్లలోపు ఉన్న అక్కచెల్లెమ్మలకు రూ.15 వేల సాయం.) – జగనన్న విద్యా కానుక జూలై మాసంలో – జగనన్న విద్యా దీవెన రెండవ విడత. – వైయస్ఆర్ కాపు నేస్తం – వైయస్ఆర్ వాహన మిత్ర ఆగస్టు మాసంలో – రైతులకు 2020 సంవత్సరానికి గానూ ఖరీఫ్కు సున్నావడ్డీ చెల్లింపులు, – మధ్య తరహా పరిశ్రమలు, స్పిన్నింగ్ మిల్లులకు పారిశ్రామిక ప్రోత్సాహకం. – వైయస్ఆర్ నేతన్న నేస్తం – అగ్రిగోల్డ్ బాధితులకు చెల్లింపులు సెప్టెంబర్ మాసంలో – వైయస్ఆర్ ఆసరా. (డ్వాక్రా అక్కచెల్లెమ్మలకు బ్యాంకులో వైయస్ఆర్ సీపీ అధికారంలోకి వచ్చే నాటికి ఎంత బకాయి ఉంటే.. అంత బకాయిని నాలుగు విడతలుగా ఇస్తామని ప్రకటించాం) అక్టోబర్ మాసంలో – రైతు భరోసా రెండవ విడత – జగనన్న చేదోడు – జగన్న తోడు నవంబర్ మాసంలో – అగ్రవర్ణాల్లో బ్రాహ్మణ, వైశ్య, కమ్మ, రెడ్డి, వెలమ, క్షత్రియ, ముస్లింలోని ఆర్థిక వెనుకబాటు ఉన్న మహిళలకు ఈబీసీ నేస్తం పథకం అమలు. రాబోయే మూడు సంవత్సరాల్లో ఏడాదికి రూ.15 వేల చొప్పున రూ.45 వేలు అందించనున్నాం. డిసెంబర్ మాసంలో – జగనన్న వసతి దీవెన రెండవ విడత – జగనన్న విద్యా దీవెన మూడవ విడత – వైయస్ఆర్ లా నేస్తం జనవరి 2022లో – రైతు భరోసా మూడవ విడత – జగనన్న అమ్మ ఒడి – వైయస్ఆర్ ఆసరా పెన్షన్ పెంపు (రూ.2250 నుంచి రూ.2500) ఫిబ్రవరి 2022లో – జగనన్న విద్యా దీవెన నాల్గవ విడత కార్యక్రమం చేపట్టడం జరుగుతుంది.