వైయస్‌ఆర్‌సిపిలో చేరిన 200 మంది టీచర్లు

హైదరాబాద్‌: : హైదరాబాద్, సికిందరాబాద్‌ జంటనగరాల్లోని వివిధ సంఘాలకు చెందిన 200 మంది టీచర్లు మంగళవారం వైయస్‌ఆర్‌ కాంగ్రెస్ టీచర్సు ఫెడరేష‌న్‌లో చేరారు. టీచర్సు విభాగంలో కొత్తగా చేరిన సందర్భంగా పార్టీ కేంద్ర కార్యాలయంలో వైయస్‌ఆర్‌సిపి కేంద్ర పాలక మండలి సభ్యుడు వైవి సుబ్బారెడ్డి వారిని ఉద్దేశించి ప్రసంగించారు. సమాజంలో ప్రజలను చైతన్యవంతం చేయడంలో ఉపాధ్యాయులు కీలకపాత్ర పోషిస్తారని సుబ్బారెడ్డి అన్నారు. దివంగత మహానేత డాక్టర్ వై‌యస్‌ రాజశేఖరరెడ్డి ఉపాధ్యాయుల అభ్యున్నతికి ఎంతో కృషి చేశారని గుర్తుచేశారు. ఉపాధ్యాయుల సంక్షేమానికి వైయస్‌ఆర్‌ కాంగ్రెస్ పార్టీ కట్టుబడి ఉందన్నారు.