కుమ్మక్కు రాజకీయాలకు కేరాఫ్ చంద్రబాబు

దాచేపల్లి (గుంటూరు జిల్లా) : వెన్నుపోటు, కుమ్మక్కు రాజకీయాలకు కేరాఫ్‌ అడ్రస్ చంద్రబాబు‌ నాయుడు అని వైయస్‌ఆర్ కాంగ్రెస్ ‌పార్టీ అధికార ప్రతినిధి అంబటి రాంబాబు ‌వ్యాఖ్యానించారు. దేశంలో విదేశీ ప్రత్యక్ష పెట్టుబడుల (ఎఫ్‌డిఐ)కు వ్యతిరేకంగా రాజ్యసభలో జరిగిన ఓటింగ్‌లో ముగ్గురు టిడిపి ఎంపిలు పాల్గొనకపోవడం వెనుక ఉన్న అసలు రహస్యం కాంగ్రెస్‌ పార్టీతో చంద్రబాబు చేసుకున్న చీకటి ఒప్పందమే అని నారాయణపురంలో నిర్వహించిన మీడియా సమావేశంలో ఆరోపించారు. ఓటింగ్‌కు గైర్హాజరైన ఎంపిలను పార్టీ నుంచి సస్పెండ్ చేయకపోవడ‌మే టిడిపి - కాంగ్రెస్‌ పార్టీల మధ్య జరిగిన ఒప్పందాన్ని రుజువు చేస్తోందన్నారు. భవిష్యత్తులో ఆ రెండు పార్టీలు సీట్ల సర్దుబాటు చేసుకున్నా ఆశ్చర్యం లేదన్నారు.