కృష్ణా జిల్లా: వైయ‌స్ఆర్‌సీపీని క్షేత్రస్థాయిలో మరింత బలోపేతం చేసేందుకు ప్రతి నాయకుడు, కార్యకర్త సమష్టిగా కృషి చేయాలని పెడన నియోజకవర్గ పార్టీ ఇన్‌చార్జి ఉప్పాల రాము పిలుపునిచ్చారు. ప్రజలకు అందుబాటులో ఉంటూ వారి సమస్యల పరిష్కారానికి కృషి చేయాలని, పార్టీ కార్యక్రమాలను ప్రజల్లోకి తీసుకెళ్లాలని సూచించారు. పెడన నియోజకవర్గం కృత్తివెన్ను మండల కేంద్రంలోని కూనసాని కృష్ణ కాంప్లెక్స్‌లో వైయ‌స్ఆర్‌సీపీ మండల విస్తృతస్థాయి సమావేశం నిర్వహించారు. ఈ కార్యక్రమంలో పెడన నియోజకవర్గ వైయ‌స్ఆర్‌సీపీ ఇన్‌చార్జి ఉప్పాల రాము పాల్గొని పార్టీ నాయకులు, కార్యకర్తలకు ఐడీ కార్డులు పంపిణీ చేశారు. ఈ సందర్భంగా ఉప్పాల రాము మాట్లాడుతూ, పార్టీ సంస్థాగత బలోపేతానికి నాయకులు, కార్యకర్తలు సమష్టిగా కృషి చేయాలని పిలుపునిచ్చారు. గ్రామస్థాయిలో పార్టీని మరింత బలోపేతం చేయడంతో పాటు ప్రజా సమస్యలపై నిరంతరం పోరాటం చేయాలని సూచించారు. ప్రజలకు అందుబాటులో ఉంటూ వారి సమస్యల పరిష్కారానికి కృషి చేయాలని కార్యకర్తలకు దిశానిర్దేశం చేశారు. వైయ‌స్ఆర్‌సీపీ నాయకులు, కార్యకర్తలు ఐక్యంగా పనిచేస్తూ పార్టీ కార్యక్రమాలను ప్రజల్లోకి తీసుకెళ్లాలని ఉప్పాల రాము కోరారు. గ్రామస్థాయి నుంచి పార్టీ బలోపేతానికి ప్రతి ఒక్కరూ బాధ్యతతో పనిచేయాలని పిలుపునిచ్చారు. ఈ కార్యక్రమంలో వైయ‌స్ఆర్‌సీపీ జోన్‌-3 ప్ర‌చార విభాగం అధ్య‌క్షురాలు మైలా ర‌త్న‌కుమారి, కృత్తివెన్ను మండల వైయ‌స్ఆర్‌సీపీ నాయకులు, కార్యకర్తలు, ప్రజాప్రతినిధులు, గ్రామ ప్రజలు పెద్ద సంఖ్యలో పాల్గొన్నారు.
