బాబు, పవన్లపై ఈసీకి వైయస్ఆర్సీపీ ఫిర్యాదుకూటమి ఛార్జ్షిట్..ఛార్జింగ్ లేని పార్టీల కామెడీ షో అసత్యాలు, అబద్ధాలతో ఎన్డీఏ కూటమి ఛార్జ్షిట్బీసీల గురించి మాట్లాడే అర్హత చంద్రబాబుకు లేదు కూటమి నేతలు విడుదల చేసిన ఛార్జ్షిట్ అబద్దాల పుట్ట రాయలసీమ కోసం పాటు పడే పార్టీ వైయస్ఆర్ కాంగ్రెస్ మీ తండ్రి కోసం పోరాడినందుకు నాకు మీరు ఇచ్చే గౌరవం ఇదా?మంత్రి పదవుల్లో ఉన్నవాళ్లు చాలా జాగ్రత్తగా మాట్లాడాలిచంద్రబాబు నోరు తెరిస్తే అబద్ధాలేఅబద్ధపు హామీలు ఇవ్వటంలో టీడీపీ నేతలు దిట్ట
బాబు, అచ్చెన్నల సొంత జిల్లాల్లో టీడీపీ గూండాగిరి
01 Feb 2021 4:58 PM
గూండాలు, రౌడీలతో వైయస్ఆర్ సీపీ శ్రేణులను బెదిరిస్తున్న టీడీపీ
దౌర్జన్యాలకు దిగే టీడీపీ నేతలను వెంటనే అరెస్టు చేయండి
వైయస్ఆర్ సీపీ ప్రధాన కార్యదర్శి లేళ్ల అప్పిరెడ్డి డిమాండ్
విజయవాడ: టీడీపీ జాతీయ అధ్యక్షుడు అని చెప్పుకునే చంద్రబాబు సొంత జిల్లా చిత్తూరులో, రాష్ట్ర అధ్యక్షుడు అచ్చెన్నాయుడు సొంత జిల్లా శ్రీకాకుళంలో టీడీపీ యదేశ్ఛగా గూండాగిరి చేస్తోందని, వీరిపై చర్యలు తీసుకోవాలని వైయస్ఆర్ సీపీ ప్రధాన కార్యదర్శి లేళ్ల అప్పిరెడ్డి డిమాండ్ చేశారు. పంచాయతీ ఎన్నికల్లో తెలుగుదేశం పార్టీ దౌర్జన్యాలపై ఎస్ఈసీకి ఫిర్యాదు చేసిన అనంతరం లేళ్ల అప్పిరెడ్డి మీడియాతో మాట్లాడారు. పంచాయతీ ఎన్నికల నేపథ్యంలో తెలుగుదేశం పార్టీ రాష్ట్రంలో అనేక చోట్ల అన్యాయాలు, అక్రమాలు, దౌర్జన్యాలకు పాల్పడుతోందని మండిపడ్డారు. చిత్తూరులో టీడీపీ శాసనసభ్యులు రౌడీలు, గూండాలను వెంట పెట్టుకొని వైయస్ఆర్ సీపీకి సంబంధించిన నాయకులు, కార్యకర్తలను వాహనాలతో తొక్కించిన పరిస్థితులు కనిపిస్తున్నాయని ధ్వజమెత్తారు.
శ్రీకాకుళం జిల్లా నిమ్మాడలో అచ్చెన్నాయుడు ప్రలోభాలకు దిగుతున్నాడని, అందుకు సంబంధించిన ఆడియో, వీడియో టేపులు సైతం బయటకువచ్చాయన్నారు. వైయస్ఆర్ సీపీ బలపర్చిన అభ్యర్థిని సర్పంచ్ నామినేషన్ వేయకుండా అడ్డుకొని గందరగోళం సృష్టించాడని మండిపడ్డారు. నిమ్మాడలో అరాచకానికి పాల్పడిన హరిప్రసాద్, సురేష్ అనే వ్యక్తులను అరెస్టు చేయాలని, సురేష్ అనే వ్యక్తి సర్పంచ్ అభ్యర్థిత్వాన్ని రద్దు చేయాలని డిమాండ్ చేశారు.
ఎన్నికలను నిస్పక్షపాతంగా జరిపేందుకు ఎస్ఈసీ ముందుకురావాలని ఎస్ఈసీకి వినతిపత్రం అందించామని లేళ్ల అప్పిరెడ్డి చెప్పారు. పార్టీల ప్రమేయం ఉండకూడదని, ఎక్కడా ధనం, మద్యం, ప్రలోభాలు ఉండకూడదని ముఖ్యమంత్రి వైయస్ జగన్ మోహన్రెడ్డి చట్టంలో సవరణ చేశారన్నారు. వైయస్ఆర్ కాంగ్రెస్ పార్టీ ప్రజాస్వామ్య విలువలకు కట్టుబడి ముందుకుసాగుతుందన్నారు. కానీ, చంద్రబాబు మాత్రమే దాడులు ప్రోత్సహిస్తూ పల్లెల్లో ప్రశాంతత లేకుండా చేస్తున్నాడని ఆగ్రహం వ్యక్తం చేశారు.