తాడేపల్లి: వైయ‌స్ఆర్‌సీపీ అధ్యక్షుడు, మాజీ ముఖ్యమంత్రి వైయస్ జగన్‌మోహన్‌రెడ్డి రేపు బుధవారం సాయంత్రం 5 గంటలకు గవర్నర్‌ను కలవనున్నారు. విజయవాడలోని శాప్‌ కార్యాలయం వద్ద డీఎస్సీ నియామకాల్లో అవకతవకలపై నిరసన సందర్భంగా వైయ‌స్ఆర్‌సీపీ నాయకులు, కార్యకర్తలపై జరిగిన దాడి ఘటనపై గవర్నర్‌కు ఫిర్యాదు చేయనున్నారు. ఈ విషయాన్ని పార్టీ అధికారికంగా వెల్లడించింది. అలాగే డీఎస్సీ నియామకాల్లో చోటుచేసుకున్నట్లు వైయ‌స్ఆర్‌సీపీ పేర్కొంటున్న అవకతవకలపై సీబీఐతో సమగ్ర విచారణ జరిపించాలని వైయస్ జగన్ గవర్నర్‌ను కోరనున్నారు. సెప్టెంబర్‌ 21న శాప్‌ కార్యాలయం ఎదుట వైయ‌స్ఆర్‌సీపీ నిరసనకు పిలుపునిచ్చిన విషయం తెలిసిందే.
