పీలేరులో వైయ‌స్ఆర్‌సీపీ  ఎంపీటీసీ నామినేషన్‌కు పోలీసుల అడ్డంకులు

అన్నమయ్య జిల్లా:  పీలేరులో వైయ‌స్ఆర్‌సీపీ నాయకులను పోలీసులు అరెస్ట్ చేయడం, మరోవైపు ఎంపీటీసీ నామినేషన్ దాఖలు చేయకుండా అభ్యర్థులను అడ్డుకుంటున్నారనే పరిణామాలు స్థానికంగా చర్చనీయాంశంగా మారాయి. ఎంపీటీసీ ఎన్నికల్లో పోటీ చేయాలనుకునే అభ్యర్థులు నామినేషన్లు దాఖలు చేసేందుకు ప్రయత్నిస్తున్న సమయంలో పోలీసులు అడ్డంకులు సృష్టిస్తున్నారని వైయ‌స్ఆర్‌సీపీ వర్గాలు ఆరోపిస్తున్నాయి. నాయకుల అరెస్టులు, నామినేషన్లకు ఆటంకాలపై పార్టీ శ్రేణులు ఆందోళన వ్యక్తం చేస్తున్నాయి. ఎన్నికల ప్రక్రియలో ప్రతి అభ్యర్థికి నామినేషన్ దాఖలు చేసే అవకాశం కల్పించాలని, ఎలాంటి అడ్డంకులు లేకుండా నిష్పక్షపాతంగా ఎన్నికలు నిర్వహించాలని వైయ‌స్ఆర్‌సీపీ శ్రేణులు కోరుతున్నాయి.