బాబు పాలనపై దుమ్మెత్తిపోస్తున్న ప్రజలు

కర్నూలుః చంద్రబాబు రైతు వ్యతిరేకని శ్రీశైలం నియోజకవర్గ ఇంఛార్జ్ బుడ్డా శేషారెడ్డి విమర్శలు గుప్పించారు. అబ్బీపురం గ్రామంలో నిర్వహించిన గడపగడపకూ వైయస్సార్ కాంగ్రెస్ కార్యక్రమంలో పాల్గొన్నారు. రుణమాఫీ పేరుతో రైతులను మోసం చేసిన ఘనత చంద్రబాబుదేనని శేషారెడ్డి ఫైర్ అయ్యారు. అకాల వర్షాలతో నష్టపోయిన రైతులను ఆదుకోవడం ప్రభుత్వం పూర్తిగా విఫలమైందని దుయ్యబట్టారు. ఏగ్రామానికి వెళ్లినా ప్రజలు బాబు పాలనపై దుమ్మెత్తిపోస్తున్నారని అన్నారు. ఎన్నికల్లో ఇచ్చిన హామీలను విస్మరించిన బాబుకు ప్రజలు ఉసురు తగులుతుందని హెచ్చరించారు.