వెంకటాద్రినగర్‌లో పార్టీ జెండా ఆవిష్కరణ

మిర్యాలగూడ (నల్గొండ జిల్లా), 17 ఫిబ్రవరి 2013: మిర్యాలగూడలోని వెంకటాద్రిపాలెంలో వైయస్‌ఆర్‌ కాంగ్రెస్‌ పార్టీ జెండాను శ్రీమతి షర్మిల ఆవిష్కరించారు. పట్టణంలోని శ్రీనివాసనగర్‌ నుంచి ఆదివారం ఉదయం తన మరో ప్రజాప్రస్థానం 69వ రోజు పాదయాత్రను శ్రీమతి షర్మిల ప్రారంభించారు. అక్కడి నుంచి ఆమె సెయింట్‌ రేమండ్సు పాఠశాల నుంచి వైయస్ అభిమానులు, పార్టీ నాయకులు, కార్యకర్తలు వెంటరాగా పాదయాత్రకు బయలుదేరారు. కాగా, శ్రీమతి షర్మిల వెంకటాద్రిపాలెం చేరుకునేసరికి స్థానికులు పెద్ద ఎత్తున ఎదురేగి సాదరంగా స్వాగతం పలికారు. మహిళలైనే కోలాటాలతో జననేత జగనన్న సోదరికి స్వాగతం చెప్పారు.