హామీలు అమలు చేయకుండా కాలయాపన

విశాఖపట్నంః పార్లమెంట్ లో ప్రత్యేకహోదా కోసం ప్రవేశపెట్టిన ప్రత్యేక బిల్లు చర్చకు రాకుండా టీడీపీ, బీజేపీలు సభను అడ్డుకోవడం దారుణమని వైయస్సార్సీపీ అధికార ప్రతినిధి కొయ్య ప్రసాద్ రెడ్డి మండిపడ్డారు. విశాఖలో పార్టీ కార్యాలయంలో జరిగిన మీడియా సమావేశంలో ఆయన మాట్లాడారు.  ప్రత్యేకహోదాపై ఆ రెండు పార్టీలకు చిత్తశుద్ధి లేదని విమర్శించారు. రాష్ట్రానికి హోదా ఇవ్వాలని మొదటి నుంచి పోరాడుతున్న ఏకైక పార్టీ వైయస్సార్సీపీ అని తెలిపారు.