ప్రజలు సుఖసంతోషాలతో ఉండాలి: విజయమ్మ

హైదరాబాద్, 27 ‌సెప్టెంబర్‌ 2012: మన రాష్ట్ర ప్రజలంతా సుఖసంతోషాలతో ఉండాలని వైయస్‌ఆర్‌ కాంగ్రెస్‌ పార్టీ గౌరవ అధ్యక్షురాలు వైయస్‌ విజయమ్మ ఆకాంక్షించారు. ఖైరతాబాద్‌లోని మహాగణపతికి గురువారం సాయంత్రం ప్రత్యేకంగా పూజలు చేసిన అనంతరం ఆమె భక్తులను ఉద్దేశించి మాట్లాడారు. ఖైరతాబాద్ వినాయకు‌డిని దర్శించుకోవడం ఎంతో సంతోషంగా ఉందని, రాష్ట్ర ప్రజలకు అన్ని విఘ్నాలు తొలగి సుఖశాంతులతో ఉండాలని తాను ప్రార్థించానని విజయమ్మ పేర్కొన్నారు.