పార్టీ బలోపేతానికి సైనికుల్లా పనిచేయాలి

గుంటూరు: వైయస్‌ఆర్‌ కాంగ్రెస్‌ పార్టీని బలోపేతం చేసేందుకు కార్యకర్తలంతా సైనికుల్లా పనిచేయాలని పార్టీ ప్రధాన కార్యదర్శి, మాజీ మంత్రి ధర్మాన ప్రసాదరావు సూచించారు. గుంటూరు జిల్లా పొన్నూరులో వైయస్‌ఆర్‌ సీపీ ప్లీనరీ సమావేశం నిర్వహించారు. ఈ కార్యక్రమానికి మాజీ మంత్రి ధర్మాన ప్రసాదరావు, ఎమ్మెల్యేలు ఆళ్ల రామకృష్ణారెడ్డి, కోన రఘుపతి, ముస్తాఫా, పార్టీ నేత రావి వెంకట్రమణలు పాల్గొన్నారు. ఈ సందర్భంగా పార్టీ విధి విధానాలపై కార్యకర్తలకు దిశానిర్ధేశం చేశారు. రాష్ట్రంలో జరుగుతున్న అవినీతి పాలనపై ప్రజలకు వివరించాలన్నారు. ప్రజా సమస్యలు తెలుసుకొని ప్రతిపక్ష పార్టీ బాధ్యతగా వాటిని పరిష్కరించేందుకు కృషి చేయాలన్నారు. కార్యక్రమంలో పార్టీ నాయకులు, కార్యకర్తలు పెద్ద సంఖ్యలో పాల్గొన్నారు.