మే 2 నుంచి విశాఖ‌లో విజయసాయిరెడ్డి పాదయాత్ర

 విశాఖపట్నం : ప్రజాసంకల్పయాత్రలో భాగంగా ప్రజలతో మమేకమవుతున్న వైయ‌స్ఆర్‌ కాంగ్రెస్‌ పార్టీ అధ్యక్షులు వైయ‌స్‌ జగన్‌మోహన్‌రెడ్డికి సంఘీభావంగా పార్టీ సీనియర్ నేత‌, రాజ్య‌స‌భ ఎంపీ విజయసాయిరెడ్డి మే 2వ తేదీ నుంచి విశాఖనగరంలో పాదయాత్ర చేపట్టనున్నారు. ఎంపీ విజయసాయిరెడ్డి పాదయాత్ర పోస్టర్‌ను వైయ‌స్ఆర్‌సీపీ  నేత మళ్ల విజయప్రసాద్‌ మంగళవారం ఆవిష్కరించారు. అగనంపుడిలోని వైయ‌స్ఆర్ విగ్ర‌హం నుంచి విజయసాయిరెడ్డి పాదయాత్ర ప్రారంభం కానుంది. అడుగడుగునా ప్రజా సమస్యలు తెలుసుకుంటూ.. వారితో మమేకమవుతూ విజయసాయిరెడ్డి పాదయాత్ర నిర్వహించనున్నారు.