మంత్రులిద్దరినీ బర్తరఫ్ చేయాలి

ఏపీ అసెంబ్లీః రాష్ట్రంలో పద్ధతి ప్రకారం ప్రశ్నాపత్రాలు లీక్ అవుతున్నాయని ప్రతిపక్ష నేత వైయస్ జగన్ ప్రభుత్వ తీరుపై మండిపడ్డారు. మంత్రి నారాయణ తన కాలేజీల్లోని పిల్లలకు ర్యాంకుల కోసం పేపర్ లీకేజ్ లకు పాల్పడుతున్నారని దుయ్యబట్టారు.  మొదట టెన్త్ పేపర్ లీకేజే కాలేదని ప్రభుత్వం బుకాయించిందని, తాము డైరెక్టర్ ఆఫ్ గవర్నమెంట్ ఎగ్జామ్స్ నివేదక బయటపెట్టిన తర్వాత పేపర్ లీకయిందని ఒప్పుకున్నారని వైయస్ జగన్ తెలిపారు. తొమ్మిదన్నరకు పరీక్ష ప్రారంభమైతే ఐదు నిమిషాల ముందే నారాయణ కాలేజ్ ఎంప్లాయ్  సెల్ ఫోన్ లో ఫోటోలు తీసి నారాయణ కాలేజ్ కు సంబంధించిన స్టాప్స్ కు పంపించారని, వారు ఆన్సర్ రూపకంగా దాన్ని చేరవేసి పరీక్షలు రాయిస్తావుంటే...ఇది మీకు అన్యాయంగా కనిపించడం లేదా, మోసంగా కనిపించడం లేదా అని వైయస్ జగన్ ప్రభుత్వాన్ని తూర్పారబట్టారు. నారాయణ కాలేజ్ కు సంబంధించిన ఉద్యోగి ఆ ప్రశ్నాపత్రాన్ని ఇంకా ఎవరెవరికి పంపించాడో సీబీఐ ఎంక్వైరీ వేస్తే మొత్తం బయటపడుతోందన్నారు. నెల్లూరులోని నారాయణ హైస్కూల్లో పదోతరగతి ప్రశ్నపత్రం లీకేజి వ్యవహారంపై అసెంబ్లీలో జరిగిన వాడివేడి చర్చలో వైయస్ జగన్ ప్రభుత్వం తీరును కడిగి పారేశారు