లోకేష్‌ను కాపాడేందుకే దిగ‌జారుడు రాజ‌కీయాలు

హైద‌రాబాద్‌:  ప‌చ్చ త‌మ్ముళ్లు త‌మ పార్టీ అధినేత కుమారుడు నారా లోకేష్‌ను కాపాడుకునే క్ర‌మంలో దిగ‌జారుడు రాజ‌కీయాల‌కు పాల్ప‌డుతున్నార‌ని వైయ‌స్సార్ కాంగ్రెస్ పార్టీ ఎంపీ మేకపాటి రాజ‌మోహ‌న్ రెడ్డి సోమ‌వారం విడుద‌ల చేసిన ప‌త్రిక ప్ర‌క‌ట‌న‌లో పేర్కొన్నారు. వైయస్సార్ కాంగ్రెస్ పార్టీ అధినేత, ప్ర‌తిప‌క్ష నేత వైయ‌స్ జ‌గ‌న్‌మోహ‌న్ రెడ్డిపై టీడీపీ నేత చంద్ర‌మోహ‌న్ చేసిన వ్యాఖ్య‌ల్ని ప్ర‌జ‌లెవ్వ‌రు న‌మ్మ‌బోర‌ని మేక‌పాటి తెలిపారు. వైయ‌స్ జ‌గ‌న్‌ను తాను క‌ల‌వ‌డానికి వెళ్లిన స‌మ‌యంలో త‌మ ఇద్ద‌రి మ‌ధ్య జ‌రిగిన సంభాష‌ణ‌ను చంద్ర‌మోహ‌న్ వ‌క్రీక‌రించేందుకు ప్ర‌య‌త్నిస్తున్నార‌ని ఇటువంటి వ్యాఖ్య‌ల్ని క‌నీసం చంద్ర‌బాబు అయినా న‌మ్ముతారా? అని మేక‌పాటి ప్ర‌శ్నించారు.