ప్ర‌తిష్టాత్మ‌కంగా గ‌డ‌ప గ‌డ‌ప‌కూ వైయ‌స్సార్సీపీ

హైద‌రాబాద్‌) వైయస్సార్సీపీ ప్ర‌తిష్టాత్మ‌కంగా రూపొందించిన గ‌డ‌ప గ‌డ‌ప‌కూ వైయ‌స్సార్సీపీ కి నేటి నుంచి శ్రీకారం చుడుతున్నారు. తెలుగు ప్రజల హృదయాల్లో సంక్షేమ పథకాల ప్రదాతగా నిలిచి పోయిన దివంగత ముఖ్యమంత్రి వైఎస్ రాజశేఖరరెడ్డి జయంతి రోజైన జూలై 8వ తేదీన దీనికి శ్రీకారం చుడుతున్నారు. గడప గడపలో ఒకే నినాదం-వైఎస్సార్ కాంగ్రెస్, ఇది తెలుగు ప్రజల నమ్మకానికి ప్రతిరూపం’ అనే శీర్షికన ముద్రించిన నాలుగు పేజీల కరపత్రాన్ని ఈ సందర్భంగా ఇంటింటికీ పంపిణీ చేస్తారు. ఈ కరపత్రంలో ఎన్నికలపుడు (2014) చంద్రబాబు చేసిన వాగ్దానాలు, వాటిని నెరవేర్చలేకపోయిన వైనం వివరించారు. అంతే కాదు, చంద్రబాబు పాలన పాసా? ఫెయిలా? ప్రజలే నిర్ణయించాలని కోరుతూ ఇదే కరపత్రంలో వంద ప్రశ్నలతో ఒక బ్యాలట్‌ను కూడా పొందుపర్చారు.