పచ్చచొక్కాల ఇసుక మాఫియా

టీడీపీ అధికారంలోకి వచ్చిన నాటి నుంచి గోదారి ఇసుక నుంచి నిత్యం సొమ్ములు పిండుకోవడం మరిగిన కొందరు ఏటిపట్టు పెద్దలు.. ఇప్పుడు ఉచిత ఇసుక పథకాన్నీ తమ రాబడికి రాచమార్గంగా మార్చేసుకున్నారు. తాము తవ్విందే రేవు, చెప్పిందే రేటు అన్నట్టు ఏటిపట్టు పరీవాహక ప్రాంతం లో ఇసుకను దోచేస్తున్నారు. ఒకప్పటిలాగే ఇప్పుడూ ఇక్కడి నుంచి నిత్యం దాదాపు 1,500 వాహనాల్లో ఇసుక తరలిపోతోంది. ఇసుక రేవుల నుంచి ట్రాక్టర్లపై, ఆపై లారీల్లోకి మార్చి దూరప్రాంతాలకు తరలించి భారీ ధరకు విక్రయిస్తున్నారు. దీనిపై ఫిర్యాదులు చేసినా బుట్టదాఖలు కావడమేగాని ఏ అధికారీ  చర్యలు తీసుకున్న దాఖలాలు లేవు.