వైయస్ జగన్ సంక్షేమ పధకాలపై టీడీపీ దుష్ప్రచారం మరో జైత్రయాత్రకు సిద్ధం మేమంతా సిద్ధం బస్సు యాత్ర జైత్ర యాత్రగా సాగింది చంద్రబాబూ....డ్రామాలు కట్టిపెట్టు.... అ‘సామాన్యులు’ వైయస్ఆర్సీపీ అభ్యర్థులుఎంతమంది కలిసొచ్చినా వైయస్ఆర్సీపీ విజయాన్ని ఆపలేరుమాజీ ఎమ్మెల్యే, టీడీపీ సీనియర్ నేత వీరశివారెడ్డి వైయస్ఆర్సీపీలో చేరిక కర్నూలు నియోజకవర్గంలో మళ్లీ వైయస్ఆర్సీపీదే విజయం ఓట్ ఫర్ ఫ్యాన్..ఆంధ్రప్రదేశ్ సిద్ధం..అభివృద్ధి, సంక్షేమంలో జగన్ విజన్
మినీ మహానాడుల తీరు తెన్నులు..!
25 May 2016 10:00 PM
చంద్రబాబు పార్టీ సమావేశం ఏర్పాటు చేశాడు
`` తమ్ముళ్ళూ ఐకమత్యమే మహాబలం `` అన్నాడు. వెంటనే ఇద్దరు నాయకులు కర్రలతో బుర్రలు బద్దలు కొట్టుకున్నారు. వాళ్ళ అనుచరులు కూడా వీరంగమేసి కొట్టుకున్నారు. రక్తం పారింది.
``పార్టీ కోసం రక్తం చిందించడమంటే ఇలా కాదు. అయినా కొట్టుకోవడం కాంగ్రెస్ సంస్కృతి `` అన్నాడు బాబు
`` తమరితో సహా ఇక్కడున్న వారంతా కాంగ్రెస్ నుంచి వచ్చిన వాళ్ళే సార్`` అన్నాడు పిఏ
`` గతాన్ని తవ్వితే అందరం గోతుల్లోనే వుంటాం. దాని జోలికెళ్లకు `` అన్నాడు బాబు
సభలోని నాయకులు రెండు వర్గాలుగా చీలి తొడలు కొట్టుకున్నారు.
`` తొడకొట్టడం మా బావ పేటెంట్ హక్కు కదా, వీళ్ళెందుకు కొడుతున్నారు `` అన్నాడు బాబు
`` ఆయనిప్పుడు మన పార్టీ ఎమ్మెల్యే కదా, అందుకే ప్రేరణ పొందినట్టున్నారు `` చెప్పాడు పిఏ
`` తమ్ముళ్ళూ నేను ముఠాతగాదల్ని సహించను. అది మన పార్టీ సంస్కృతి కాదు `` అని బెదిరించాడు బాబు
`` చిత్తూరు జిల్లాలోని ముఠాతగాదల వల్లే మీరు నాయకుడయ్యారు. ఎన్టీయార్ పార్టీలో ముఠాతగాదల్ని ప్రోత్సహించే ముఖ్యమంత్రయ్యారు. మీ మాట ఎవరు వింటారు సార్ `` అన్నాడు పిఏ
ఈ లోగా కుర్చీలు గాల్లోకి లేచాయి.
`` కుర్చీ కోసం గాల్లో పల్టీలు కొట్టినా తప్పులేదు. కానీ కుర్చీనే గాల్లోకి విసరడం మూర్ఖత్వం. మీ మీద యాక్షన్ తీసుకుంటా `` అన్నాడు బాబు
ఇదేమీ పట్టించుకోకుండా తమ్ముళ్ళు బూతులు తిట్టుకోసాగారు
`` మన లక్ష్యం పోలింగ్ బూతులే కానీ ఈ బూతులే కాదు తమ్ముళ్ళు `` అని అన్నాడు బాబు
ఈ లోగా తమ్ముళ్ళు బెల్ట్ లు తీసుకుని కొట్టు కోసాగారు.
``తమ్ముళ్ళు, వెనకటికి పంచెని గట్టిగా బిగించుకోడానికి మొలతాడు వుండేది. దాన్ని ఇంగ్లీష్ వాడు కాపీ కొట్టి బెల్ట్ తయారుచేసాడు. ఈ బెల్ట్ని వూడదీయడం వల్ల ప్యాంటులు వూడిపోయే ప్రమాదముంది. అప్పుడు మీ పరువు పార్టీ పరువు రెండూ గంగలో కలుస్తాయి. ఈ నగ్నసత్యాన్ని తెలుసుకోండి`` అన్నాడు బాబు
`` ఈ ఫైటింగ్ ఎపిజోడ్లో బెల్ట్ల హిస్టరీ అవసరమా సార్`` అడిగాడు పిఏ
`` చరిత్రని విస్మరించినవాడు చరిత్రహీనుడవుతాడు. హిస్టరీ ఒక మిస్టరీ ``.
తమ్ముళ్ళు వెదురుబొంగులు తెచ్చుకొని కొట్టుకోసాగారు.
`` కొన్నివేల ఏళ్ళుగా వెదురు మన జీవితంతో పెనవేసుకుపోయింది. వెదురు లేకుండా ఇళ్ళు కట్టుకోలేం. నాగరికత అంతా వెదురు మీదే ఆధారపడివుంది. వెదురే మన ఫ్యూచర్. మనిషి ఎదుగుదల వెదురులా వుండాలి. అతి వేగంగా ఎత్తుకు పెరిగే ఏకైక మొక్క వెదురు `` అన్నాడు బాబు
ఈ సారి తమ్ముళ్ళు కత్తులు తీసుకున్నారు
`` కత్తి, సుత్తి లేకుండా మానవవికాసం లేదు. కత్తితో పళ్ళు కోసుకోవచ్చు, యుద్ధాలు చేయచ్చు `` అన్నాడు బాబు
`` వెన్నులో కూడా పొడవచ్చు `` అన్నాడు పిఏ
`` నువ్వు నోర్మూయ్ ``
`` అయినా ఇలా కబుర్లు చెప్పకపోతే, వాళ్ల యుద్ధాన్ని ఆపచ్చుగా``
`` వాళ్ళు అలా కొట్లాడుతూ వుంటేనే నాకు సేఫ్. అంతా ప్రశాంతంగా వుంటే నా సీటుకి ఎసరు పెడతారు `` అన్నాడు బాబు