కలల విహారం

ఇంతటి ప్రతిభావంతుడైన చంద్రబాబుకు పైలట్ అవ్వాలనే కోరిక ఒకటి మిగిలిపోయిందట. ఇదివిన్న తెలుగు వాళ్లందరూ హవ్వా అని ముక్కుమీద వేలేసుకుంటున్నారు. ఇన్ని కోట్ల మంది ప్రజలను రెక్కలు లేకుండానే గగన విహారం చేయించిన బాబు పైలెట్ కాలేదని పరేషాన్ అవ్వడమేంటా అని ఆశ్చర్యపోతున్నారు. అయినా ఎపిలో ఎయిర్ లైన్స్ తెచ్చింది తానే అని, పైలెట్లకు విమానం నడిపే ట్రైనింగ్ ఇచ్చింది నేనని చెప్పుకుంటాడని ఎక్స్ పెక్ట్ చేస్తే ఇలా నేను పైలెట్ అవ్వాలనుకున్నాను అని చెప్పాడేమిటబ్బా అని కొందరు జుత్తు పీక్కున్నారు. చంద్రబాబు నేల మీద నడుస్తుంటేనే ప్రజలకు ఇన్ని మాయలు చూపిస్తున్నాడు....అదే పైలెట్ అయ్యుంటే చంద్రమండలంలో అభివృద్ధి, సూర్యుడికి టెక్నాలజీ, గ్రహాలకు గతులు కూడా నేనే నేర్పించానని చెప్పుండేవాడేమో అని అనుకుంటున్నారు బాబు సంగతి బాగా తెలిసిన పెద్దలు.

ఏదేమైనా బాబు పైలట్ కోరిక ఓ తీరని కోరికగా మిగిలిపోకుండా రేపటి ఎన్నికల గురించి కలలు కంటూ గగన విహారం చేసుకోవడం మంచిదేమో అని కొందరు సలహా ఇస్తున్నారు.