అమరావతి: గవర్నర్‌ దగ్గరకు చంద్రబాబు ఏ ముఖం పెట్టుకొని వెళ్తున్నారని వైయస్‌ఆర్‌సీపీ ఎమ్మెల్యేలు అంబటి రాంబాబు, డాక్టర్‌ గోపిరెడ్డి శ్రీనివాసరెడ్డి ప్రశ్నించారు. చంద్రబాబు శవ రాజకీయాలపై వారు తీవ్ర ఆగ్రహం వ్యక్తం చేశారు. ఈ మేరకు చంద్రబాబుకు వైయస్‌ఆర్‌సీపీ ఎమ్మెల్యేలు ప్రశ్నలు సంధించారు.
- గత మూడు నెలలుగా బాబు కోడెలను దగ్గరకు రానిచ్చారా?
- కోడెల ఆత్మహత్యకు ప్రయత్నించారన్న వార్తలు విని ఆయన్ను పరామర్శించడానికి చంద్రబాబు వెళ్లారా?
- అసెంబ్లీ నుంచి కోడెల కోట్ల రూపాయాల ఫర్నిచర్‌ను తరలించడం బాబుకు తెలిసి జరిగిందా? తెలియకుండా జరిగిందా?
- కోడెల ఫర్నిచర్‌ వ్యవహారంలో ఆయన అరాచకాలకు గురై తట్టుకోలేక పెద్ద ఎత్తున ప్రజలు ఫిర్యాదులు చేస్తే ఎందుకు బాబు నోరెత్తలేదు?
- ఐదేళ్లుగా కోడెల కొడుకు, కూతురు కే-ట్యాక్స్‌ వసూలు చేశారా? లేదా?
- ఐదేళ్లుగా కోడెలకు చెందిన ఫార్మా డీల్స్‌ బాబుకు తెలిసే జరిగాయా? తెలియకుండా జరిగాయా?
- ఐదేళ్లుగా కోడెల అవినీతి సామ్రాజ్యానికి బాబు వెన్నుదన్నుగా ఉన్నారా? లేదా?
- ఇటు సత్తెనపల్లిలోనూ, అటు నరసరావుపేటలోనూ భూ కబ్జాలపై చంద్రబాబు ఎందుకు విచారణ చేయించలేదు?
- కోడెల చనిపోతూ తన మరణానికి కారణాలివి అని ఎక్కడైనా పేర్కొన్నారా?
- ఒక మనిషి తీవ్ర అవమానానికి గురైతే ఎన్టీఆర్‌ మాదిరిగా తల్లడిల్లిపోతారా? లేదా?
- ఈ విషయంపై బాబుకు పాతికేళ్ల క్రితమే తెలుసు కదా?
- వేధింపులు అంటే ఎలా ఉంటాయో? వెన్నుపోటు అంటే ఎలా ఉంటుందో చంద్రబాబే ప్రపంచానికి చెప్పారు కదా?
- ఎన్టీఆర్‌ పార్టీని, పార్టీ అధ్యక్ష పదవిని, పార్టీ జెండాను, పార్టీ ఎన్నికల గుర్తును, పార్టీ ట్రస్టును , సీఎం పదవిని, ఎమ్మెల్యేలను, ఎంపీలను మీరు లాక్కొని ఎన్టీఆర్‌ మరణానికి కారకులయ్యారని ఎన్టీఆర్‌ సతీమణి లక్ష్మీపార్వతి ఇవాల్టికీ సాక్ష్యం ఇవ్వడానికి సిద్ధంగా ఉన్నారు.
- సాక్షాత్తూ ఎన్టీఆర్‌ కూడా మీ గురించి ఇదే విషయాన్ని చెప్పారు.
- ఏనాడూ మీరు ఈ విషయం గురించి ఎందుకు మాట్లాడటం లేదు?
- కోడెలది హత్యా? ఆత్మహత్యా? కుటుంబ సభ్యుల పాత్ర ఏమిటి?
- చంద్రబాబు పాత్ర ఏమిటి? అనే అంశాలపై సీబీఐ విచారణ జరిపించమంటారా?
- కోడెల అధికారాన్ని అడ్డుపెట్టుకొని సత్తెనపల్లి, నర్సరావుపేటలో చేసిన అరాచకాలపై సీబీఐ విచారణ జరపమంటారా?
- సీబీఐని ఈ రాష్ట్రంలోకే రానివ్వమంటూ చంద్రబాబు ప్రతిజ్ఞ చేశారు.జనరల్‌ పర్మిషన్‌ ఉపసంహరించుకుంటూ జీవోలు జారీ చేశారు కదా? మరి సీబీఐపై బాబుకు నమ్మకం ఎప్పుడు కుదిరింది?
- గవర్నర్‌ వ్యవస్థనే రద్దు చేయమని చెప్పిన చంద్రబాబు ఏ మొహం పెట్టుకొని గవర్నర్‌ దగ్గరకు వెళ్తున్నారు?
- కోడెల, అతని కుటుంబ సభ్యుల అరాచకాలు సహా ఆయన ఆత్మహత్య చేసుకోవడానికి దారితీసిన పరిస్థితులపై చంద్రబాబు సీబీఐ విచారణ కోరాలి.
- ఈ ప్రశ్నలన్నింటికీ చంద్రబాబు జవాబు చెప్పి..అప్పుడు గవర్నర్‌ దగ్గరకు వెళ్లమని చెబుతున్నాం.
ఓటమి భయంతో బాబు నోటికి వచ్చినట్లు మాట్లాడుతున్నాడు
