పాలనలో విప్లవాత్మక మార్పులు..ప‌లు రాష్ట్రాల‌కు ఏపీ ఆద‌ర్శం 

సుస్థిరాభివృద్ధి లక్ష్యాలపై సీఎం వైయ‌స్‌ జగన్‌ సమీక్ష

నేరుగా లబ్ధిదారుల ఖాతాల్లోకే లక్షా 65 వేల కోట్లు జమ

ఆరోగ్యశ్రీలో 3 వేల చికిత్సలు ఇస్తున్న ప్రభుత్వం మనదే

జిల్లాల్లో కలెక్టర్లు ఎస్‌డీజీ రిపోర్టును మానిటరింగ్‌ చేసే బాధ్యత తీసుకోవాలి

ఎంఎస్‌ఎంఈ రంగంలోనూ మనం చేస్తున్న కృషి మరే రాష్ట్రంలోనూ లేదు

తాడేపల్లి:   పాలనలో విప్లవాత్మక మార్పులు తీసుకొచ్చామ‌ని, దేశంలో పలు రాష్ట్రాలకు మన పాలన ఆదర్శంగా ఉంద‌ని ముఖ్య‌మంత్రి వైయ‌స్ జ‌గ‌న్ మోహ‌న్ రెడ్డి పేర్కొన్నారు. దేశంలో ఏ రాష్ట్ర ప్రభుత్వం చేయని విధంగా సంక్షేమ పథకాలు అందిస్తున్నామన్నారు.  నేరుగా లబ్ధిదారుల ఖాతాల్లోకే లక్షా 65 వేల కోట్లు జమ చేశామని సీఎం వైయ‌స్ జగన్‌ అన్నారు. అమ్మ ఒడి ఇచ్చిన రాష్ట్రం ఎక్కడా లేదు. ఆరోగ్యశ్రీలో 3 వేల చికిత్సలు ఇస్తున్న ప్రభుత్వం మనదే. అమలు చేస్తున్న సంక్షేమ పథకాలు ప్రజల్లోకి లోతుగా తీసుకెళ్లాలి. లబ్ధిపొందుతున్న వారికి మరోసారి తెలియజెప్పాలని సీఎం వైయ‌స్ జగన్‌ సూచించారు.
సుస్థిరాభివృద్ధి లక్ష్యాలపై ఆంధ్రప్రదేశ్‌ ముఖ్యమంత్రి వైయ‌స్‌ జగన్‌మోహన్‌రెడ్డి గురువారం సమీక్ష నిర్వహించారు. 

ఈ సందర్భంగా సీఎం వైయ‌స్ జగన్  ఏమన్నారంటే.. 
♦సుస్థిర అభివృద్ధి లక్ష్యాల(ఎస్‌డీజీ) సాధనకు ఎప్పుడూ కూడా ఇంతగా ప్రయత్నాలు చేయలేదు
♦ఎస్‌డీజీకు సంబంధించి మనం ఇంత బాగా చేస్తున్నా కూడా, సమర్థవంతమైన రిపోర్టింగ్‌ కూడా అవసరం
♦రిపోర్టింగ్‌ మానిటరింగ్‌ అనేది సక్రమంగా జరగనప్పుడు ఎంత బాగా పనిచేసినా లాభం లేదు
♦ఇప్పుడు జాతీయ స్ధాయిలో పోటీపడ్డం ద్వారా...దేశంలో తొలిస్ధానంలో నిలబడ్డానికి అవకాశం వచ్చింది
♦గతంలో ఈ పరిస్థితి లేదు, మరేరాష్ట్రంలో ఇన్ని పథకాలు లేవు

♦తొలిసారిగా మనం చేస్తున్నాం
♦క్యాలెండర్‌ ప్రకారం మిస్‌ కాకుండా.. ఏ పథకం ఎప్పుడు వస్తుందనేది ముందుగానే క్యాలెండర్‌ ప్రకటిస్తున్నాం
♦డీబీటీ ద్వారా బటన్‌ నొక్కిన వెంటనే నేరుగా లబ్ధిదారుడి ఖాతాలోకే డబ్బులు పోతున్నాయి
♦అవినీతి, వివక్షకు తావు లేకుండా శాచ్యురేషన్‌ మోడ్‌లో ఈ పథకాలు.. అందిస్తున్నాం
♦జిల్లాల్లో కలెక్టర్లు ఎస్‌డీజీ రిపోర్టును మానిటరింగ్‌ చేసే బాధ్యత తీసుకోవాలి
♦విభాగాధిపతుల పర్యవేక్షణ అవసరం
♦ఇది నిరంతరం జరగాల్సిన ప్రక్రియ
♦ప్రతి నెలా ఎస్‌డీజీ రిపోర్టును కలెక్టర్‌ పర్యవేక్షణ చేయాలి
♦సచివాలయం నుంచి డేటా జిల్లా స్ధాయికి చేరాలి
♦వైద్య, ఆరోగ్యం, విద్య, వ్యవసాయ రంగాల్లో మనం తీసుకొచ్చిన విప్లవాత్మక మార్పులు, అభివృద్ధి కార్యక్రమాలు దేశంలో మరే రాష్ట్రంలోనూ లేవు

♦ఎంఎస్‌ఎంఈ రంగంలోనూ మనం చేస్తున్న కృషి మరే రాష్ట్రంలోనూ లేదు
♦ప్రతి సంవత్సరం మనం క్యాలెండర్‌ఇచ్చి బటన్‌ నొక్కి ఎంఎస్‌ఎంఈలకు టైం ప్రకారం ఇన్సెంటివ్‌లు ఇస్తున్నాం
♦దేశంలో ఎక్కడా ఇలా జరగడం లేదు.. రాష్ట్రంలో కూడా ఇది జరగలేదు
♦గత ప్రభుత్వ ఇన్సెంటివ్‌లకు సంబంధించిన బకాయిలు కూడా మనమే చెల్లించాం

♦ప్రతిరంగంలోనూ ప్రస్ఫుటమైన మార్క్‌ వేయగల పథకాలు మన రాష్ట్రంలో ఉన్నాయి
♦అమ్మ ఒడి, టీఎంఎప్, ఎస్‌ఎంఎఫ్‌లను సక్రమంగా రిపోర్టింగ్‌ చేయలేదు
♦సంపూర్ణ పోషణ, గోరుముద్ద కూడా సక్రమంగా రిపోర్టింగ్‌ చేయలేదు
♦విద్యాకానుక, విద్యా దీవెన, పుల్‌ ఫీజు రీయింబర్స్‌మెంట్, రూ.20 వేలు వసతి దీవెన గతంలో ఎప్పుడూ జరగలేదు
♦ఆరోగ్య రంగంలో ఆరోగ్యశ్రీలో దాదాపు 3వేల చికిత్సా విధానాలు, 16 కొత్తమెడికల్‌ కాలేజీల నిర్మాణం, నాడు–నేడుతో మొత్తం ఆసుపత్రుల పునర్‌వ్యవస్ధీకరణ, ఆరోగ్య ఆసరా ఇవేవీ గతంలో లేవు.
♦మహిళా సాధికారతలో చేయూత, ఆసరా, అమ్మఒడి, సున్నావడ్డీ, మహిళల పేరుమీదే ఇళ్ల పట్టాల రిజిస్ట్రేషన్‌ గతంలో ఎప్పుడూ జరగలేదు.
♦ఒక్క బటన్‌ నొక్కి ప్రభుత్వం లబ్ధిదారులకు రూ. 1 లక్షా 65 వేల కోట్లు డీబీటీ ద్వారా జమ చేసింది. దేశంలో ఈ తరహా డీబీటీ విధానం లేదు.  ఇవన్నీ కచ్చితంగా ప్రతిబింబించాలి

♦ఎస్‌డీజీకి సంబధించిన కచ్చితంగా ఎస్‌ఓపీలు ఉండాలి
♦వాటిని నిరంతరం పాటించాలి
♦ఎన్ని రోజులకొకమారు సమావేశం కావాలన్నదానిపై నిర్ధిష్టమైన సమాచారం ఉండాలి
♦గతేడాది ఇది లోపించింది, ఈ దఫా అలా జరగడానికి వీలులేదు
♦కచ్చితంగా ఎస్‌డీజీకు సంబంధించిన సమగ్ర సమాచారాన్ని అప్‌ డేట్‌ చేయాలి
♦విద్యాశాఖలో నూటికి నూరుశాతం ఎస్‌డీజీ లక్ష్యాలను సాధించాలన్న సీఎం
♦ప్రతినెలా సీఎస్‌ ఆధ్వర్యంలోనెలకు రెండుదఫాలుగా సమావేశం కావాలి
♦మూడు నెలలపాటు ఇలా సమావేశమవ్వాలి
♦ఎస్‌డీజీ మీటింగ్‌లో సెక్రటరీలు పాల్గొనాలి
♦కలెక్టర్లతోనూ మాట్లాడాలన్న సీఎం
♦దాదాపు 7నుంచి 8 రంగాలలో వైద్యఆరోగ్యరంగం, విద్య, మహిళాసాధికారత, గృహనిర్మాణశాఖ, పంచాయతీరాజ్, సోషల్‌ జస్టిస్, మున్సిపల్‌శాఖ, పట్టణాభివృద్ధిలో అనేక కార్యక్రమాలు చేస్తున్నాం: అధికారులకు సీఎం నిర్దేశం.

♦విశాఖపట్నంలో ఐటీహబ్‌ను నిర్మించాలన్న సీఎం.. దీనిపై కార్యారణ రూపొందించాలన్నారు. అత్యాధునిక వసతులతో నిర్మించాలన్నారు. సమీక్షా సమావేశంలో సీఎస్‌ సమీర్‌ శర్మ, డీజీపీ కే వి రాజేంద్రనాథ్‌ రెడ్డి, వివిధ విభాగాధిపతులు పాల్గొన్నారు.

తాజా వీడియోలు

తాజా ఫోటోలు

Back to Top