ఛార్జీలు తగ్గించేవరకూ దీక్ష చేస్తాం: శ్రీమతి విజయమ్మ

హైదరాబాద్, 4 ఏప్రిల్‌ 2013: విద్యుత్‌ ఛార్జీలు పెంచుతూ రాష్ట్ర ప్రజలపై ప్రభుత్వం మోపిన రూ.6,500 కోట్ల భారం తగ్గించేవరకు నిరవధిక నిరాహార దీక్షను కొనసాగిస్తామని వైయస్‌ఆర్ కాంగ్రె‌స్ పార్టీ గౌరవ అధ్యక్షురాలు‌ శ్రీమతి వైయస్ విజయమ్మ స్పష్టం చేశారు.‌ 'కరెంట్‌ సత్యాగ్రహం' మూడవ రోజు గురువారం ఉదయం ఆమె మీడియాతో మాట్లాడారు. ప్రజా సమస్యలపై ప్రతిపక్షాలు ఎన్ని పోరాటాలు చేస్తున్నా ప్రభుత్వం పట్టించుకోవటం లేదని శ్రీమతి విజయమ్మ ఆవేదన వ్యక్తం చేశారు.