వైయస్సార్సీపీలోకి టీడీపీ నాయకులు

తూర్పు గోదావ‌రి జిల్లా(పెద్దాపురం) : చంద్రబాబు మోసపూరిత పాలనతో విసుగుచెందిన టీడీపీ నాయకులు ఒక్కొక్కరుగా ఆ పార్టీని వీడుతున్నారు. పెద్దాపురం మండలం ఆర్ బీ కొత్తూరు నుంచి పెద్ద ఎత్తున టీడీపీ కార్యకర్తలు వైయస్సార్సీపీలో చేరారు. దివంగత ముఖ్యమంత్రి వైయస్ రాజశేఖరరెడ్డి పాలన రావాలంటే అది  వైయస్ జగన్ తోనే సాధ్యమని, ఆయన వెంట నడిచేందుకు తాము సిద్ధంగా ఉన్నామని ఈసందర్భంగా వారు పేర్కొన్నారు. వైయస్సార్‌ సీపీ నియోజకవర్గ కో–ఆర్డినేటర్‌ తోట సుబ్బారావునాయుడు సమక్షంలో  సుమారు 100 మంది టీడీపీ కార్య‌క‌ర్త‌లు వైయస్సార్ కాంగ్రెస్ పార్టీలో చేరారు. గ్రామానికి చెందిన పల్లా శ్రీనివాస్‌యాదవ్, రెడ్డి జయబాబు, వల్లూరి కృష్ణ చౌదరిల ఆధ్వర్యంలో యువకులు పార్టీ యూత్‌ మండల అధ్యక్షుడు గోపు సత్యకృష్ణ (మురళీ),  ఘంటా వీర్రాజు  (శేషు)ల సమక్షంలో పార్టీలో చేరారు.