ఈ ప్రభుత్వం పడిపోతుంది!

'రచ్చబండ'లో విద్యార్థులు, కళాకారులు, రైతులు షర్మిలతో తమ కష్టాలు చెప్పుకున్నారు. చంద్రకళ అనే విద్యార్థిని తమకు బస్సులు సమయానికి రావడం లేదని ఫిర్యాదు చేసింది. ఎక్స్‌ప్రెస్‌లు ఉన్నాయి కానీ ఆర్డినరీ బస్సులు ఉండడం లేదని ఆ విద్యార్థిని వాపోయింది.

రచ్చబండలో పాలమూరు కళాకారుల కష్టాలను షర్మిల అడిగి తెలుసుకున్నారు. కళాకారుల కోరిక మేరక కాస్సేపు డప్పు వాయించి అందరినీ అలరించారు.  మంచినీరు రావడం లేదని, కరెంట్‌కోతలతో ఇబ్బందులు పడుతున్నామని షర్మిలతో స్థానికులు వాపోయారు. మహానేత వైయస్ ఉన్నప్పుడు బ్యాంక్ రుణాలు మాఫీ చేశారని, ఇప్పడు తమను ఎవరూ పట్టించుకోవడం లేదని  మహిళలు ఆవేదన వ్యక్తం చేశారు. వైయస్ హయాంలో అందిన అన్ని సదుపాయాలూ నేడు తమకు దూరమయ్యాయని వారు వాపోయారు. వారిని ఓదార్చిన షర్మిల రాజన్న రాజ్యంతోనే అన్ని సమస్యలూ పరిష్కారం అవుతాయన్నారు.

ఇందిరమ్మ ఇళ్లు మంజూరు కావడం లేదనీ, మంజూరైన ఇళ్లకు కూడా బిల్లులు రావడం లేదనీ స్థానికులు చెప్పారు. దీనికి ప్రతిస్పందిన షర్మిల నాడు దివంగత మహానేత వైయస్ హయాంలో రాష్ట్రంలో 45 లక్షల ఇళ్లు కట్టించారని గుర్తు చేశారు. జగనన్న సిఎం అయ్యాక పక్కాఇళ్ల సమస్య పరిష్కారం అవుతుందన్నారు. పత్తికి గిట్టుబాటు ధర ఉండడం లేదని కొందరు రైతులు షర్మిలకు చెప్పారు. రాజన్నరాజ్యం వచ్చే వరకు ఓపిక పట్టాలని ఆమె వారిని ఓదార్చారు.

శ్రీమతి షర్మిల 'మరో ప్రజాప్రస్థానం' ఆదివారం నెల్లికొండి గ్రామ శివారు ప్రాంతం నుంచి యాత్ర ప్రారంభమైంది