అమ‌రావ‌తి: ఫేస్ టు ఫేస్.. కౌంటర్ కు ఎన్ కౌంటర్.. నేను సిద్ధం.. నువ్వు సిద్ధమా? అంటూ వైయ‌స్ఆర్‌సీపీ ఎంపీ విజ‌య‌సాయిరెడ్డి ఆంధ్రజ్యోతి ఎండీ వేమూరి రాధాకృష్ణ‌కు ఛాలెంజ్ చేశారు. ఈ మేరకు విజ‌య‌సాయిరెడ్డి ఎక్స్‌వేదిక‌గా ప‌లు విష‌యాలు ప్ర‌స్తావిస్తూ పోస్టు చేశారు. రాధాకృష్ణ! బహిరంగ చర్చ కు నేను రెడీ. నీ ఛాలెంజ్ స్వీకరిస్తున్నా! ఫేస్ టు ఫేస్.. కౌంటర్ కు ఎన్ కౌంటర్.. నేను సిద్ధం.. నువ్వు సిద్ధమా? అయినా నీ పక్షపాత టీవీ ఛానల్ ఆంధ్రజ్యోతి కి నేను రావాలా! ఢిల్లీ లో NGO లు, మేధావులు, జర్నలిస్టులు, అన్ని tv చానెల్స్ ని అందరిని ఆహ్వానించి ప్రజావేదిక మీద విశ్రాంత న్యాయమూర్తుల సమక్షంలో చర్చించుకుందాం! నేను ఐక్యరాజ్యసమితి నుంచి తిరిగి వచ్చినతర్వాత ఎప్పుడైనా రెడీ! ఎవరి చిత్తశుద్ధి ఏంటో తేల్చుకుందాం. తగ్గేదేలే! భయపడేదేలే! గత 5 ఏళ్లలో మద్యం, ఖనిజ సిండికేట్ బ్రోకర్లు, మిగతా ఇతరత్రా డీల్స్ లో మీ బాస్ పేరు చెప్పి వసూళ్లు చేసి వారికి ఇవ్వకుండా ఎంత తీసుకున్నావో అన్ని అంశాలు కూలంకషంగా చర్చిద్దాం! జర్నలిస్ట్ కాలనీ లో నువ్వుండే ప్యాలస్, నేనుండే బాడుగిళ్ళు కూడా చూపిద్దాం! ఫిల్మ్ నగర్ మెయిన్ రోడ్డు లో నువ్వు కొన్న నూరు కోట్ల విలువ చేసే స్థలం దాంట్లో ఇంకో రెండు వందలకోట్ల తో కట్టుతున్న ఆఫీస్ భవంతి కూడా పరిశీలిద్దాం. శ్రీ రాధాకృష్ణ! ఆంధ్రజ్యోతిని కొనడానికి పెట్టుబడి పెట్టిన ఇద్దరు ప్రధాన వాటాదారులు ఏమయ్యారు. వారితో డబ్బు పెట్టించిన తర్వాత బ్లాక్ మెయిల్ చేసి పారదోలింది నిజం కాదా. విద్యుత్తు ట్రాన్స్ ఫార్మర్లు తయారు చేసే పారిశ్రామికవేత్త ఇప్పటికీ తన మిత్రుల దగ్గర నీ నయవంచన గురించి చెబ్తూనే ఉంటాడు. న్యాయం, ధర్మం, సామాజిక సృహ లేని నీలాంటి దళారులు రకరకాలైన భ్రమల్లో బతుకుతుంటారు. ఎప్పుడో ఒకసారి ప్రకంపనగా వీచే పెనుగాలికి నామరూపాల్లేకుండా కొట్టుకుపోతారు. రాధాకృష్ణ గారు! నీ పత్రిక, టీవీని ఏ పునాదులపైన నిర్మించుకున్నావో మరువద్దు. నష్టాలు వస్తున్నాయని ఇప్పటికీ అమెరికా వెళ్లి ఎన్నారైల దగ్గర చందాలు తెచ్చుకోవడం వాస్తవం కాదా! కలర్ బ్లైండ్ నెస్ లాగా మీ కళ్లకు కొందరే కనిపిస్తారు. మిగతావాళ్లంతా నీవేం అన్నా పడాలి. నీకోసం సెటిల్ మెంట్ల సంపాదనకు ఉపయోగపడాలి అనుకొనే స్వార్ధపూరిత మైండ్ మీది. సుద్దులు చెప్పడం మానుకో. ఊసరవెల్లులు సిగ్గుపడుతున్నాయి! శ్రీ రాధాకృష్ణా! ఎమర్జెన్సీకి వ్యతిరేకంగా కలంతో పోరాడి ఇందిరా గాంధీని వణికించిన ఇండియన్ ఎక్స్ ప్రెస్ వ్యవస్థాపకుడు రామ్ నాథ్ గోయెంకా గుర్తున్నాడా? ఆనాడు ఆయన చేసిన సాహసం వల్లే దేశంలో కాంగ్రెసేతేర ప్రత్యామ్నాయ రాజకీయ వ్యవస్థ ఊపిరి పోసుకుంది. గోయెంకా వారసులు ఇప్పటికీ మీడియాను నమ్ముకుని సాధారణ జీవితాలు గడుపుతున్నారు. 92 ఏళ్ల క్రితం ప్రారంభమైన ఇండియన్ ఎక్స్ ప్రెస్ ఆస్తులు, నీ నెల రోజుల సెటిల్ మెంట్ల సంపాదనతో సరిపోవంటే నీవెంత అవినీతిపరుడివో వేరే చెప్పాలా! అంటూ విజ‌య‌సాయిరెడ్డి ట్వీట్ చేశారు.
