రేపు సంత‌బొమ్మాళిలో సీఎం వైయ‌స్ జ‌గ‌న్ ప‌ర్య‌ట‌న‌

తాడేప‌ల్లి: ముఖ్య‌మంత్రి వైయ‌స్ జ‌గ‌న్‌మోహ‌న్‌రెడ్డి రేపు శ్రీ‌కాకుళం జిల్లాలో ప‌ర్య‌టించ‌నున్నారు. సంత‌బొమ్మాళి మండ‌లం మూల‌పేట‌లో గ్రీన్‌ఫీల్డ్‌ పోర్టు నిర్మాణానికి సీఎం వైయ‌స్ జ‌గ‌న్‌ శంకుస్థాపన చేయనున్నారు. ఈ మేర‌కు సీఎం వైయ‌స్ జ‌గ‌న్ శ్రీ‌కాకుళం జిల్లా ప‌ర్య‌ట‌న షెడ్యూల్ ఖ‌రారైంది. 19వ తేదీ ఉదయం 8 గంటలకు తాడేపల్లి నివాసం నుంచి బయలుదేరి 10.15 గంటలకు మూలపేట చేరుకుంటారు. 10.30 – 10.47 గంటల మధ్య మూలపేట గ్రీన్‌ఫీల్డ్‌ పోర్టు నిర్మాణానికి శంకుస్థాపన చేస్తారు. అనంత‌రం గంగమ్మ తల్లికి పూజా కార్యక్రమాలు నిర్వ‌హించ‌నున్నారు. 11.25 – 11.35 గంటల మధ్య నౌపడ వద్ద పోర్టు నిర్వాసిత కాలనీకి శంకుస్థాపన చేయ‌నున్నారు. అనంత‌రం ఎచ్చెర్ల మండలం బుడగట్లపాలెం ఫిషింగ్‌ హార్బర్‌కు, హిరమండలం వంశధార లిఫ్ట్‌ ఇరిగేషన్‌ ప్రాజెక్ట్‌కు శంకుస్థాపన కార్యక్రమాల్లో పాల్గొంటారు. 11.40 – 12.30 గంటల మధ్య బహిరంగ సభలో సీఎం వైయ‌స్‌ జగన్‌ ప్రసంగిస్తారు. అనంతరం మూలపేట, విష్ణుచక్రం గ్రామాల ప్రజలతో ముఖాముఖి, సన్మాన కార్యక్రమంలో పాల్గొంటారు. సమావేశం అనంతరం మధ్యాహ్నం 1.10 గంటలకు అక్కడినుంచి బయలుదేరి 3.25 గంటలకు తాడేపల్లి నివాసానికి చేరుకుంటారు.