పవన్ అత్యుత్సాహం

పవన్ వాఖ్యల్లో మరో ఉద్దేశ్యం కూడా తొంగి చూస్తోంది. ఈమధ్యే తన అభిమానులతో సిఎమ్ సిఎమ్ అని పిలిపించుకుని ఆనందించిన పీకె 2019 ఎన్నికల్లో తానే గెలుస్తాననే ధీమా వ్యక్తం చేస్తున్నారు. ఎలాగూ సీటుకింత బేరం అనేది సమావేశం పెట్టి మరీ నిర్ణయించి సెట్ చేసేసారు. ఇక ఎన్నికల్లో గెలవడమే మిగిలింది అనుకుంటున్నాడీ పవర్ స్టార్. అయితే సినిమాల్లో చూపే పవర్ వెనుక సాంకేతిక బృందం ఉంటుంది. కానీ రాజకీయాల్లో, ప్రజా సేవలో పవర్ చూపడానికి గుండె ధైర్యం కావాలి. పట్టుమని పాతికడుగులు వేయలేని పవన్ కు, పక్కనుంచున్న వారిని తోసుకుంటూ పోయే పవన్ కు ఆ ధైర్యం ఎప్పుడూ లేదు. ఇక చంద్రబాబు జగన్ తో చేతులు కలుపుతారని పవన్ వాఖ్యానించడం వెనుక రాబోయే ఎన్నికల్లో జనసేనను ఎదుర్కునేందుకు ఈ రెండు పార్టీలు కలిసి పని చేస్తాయని ఆయన చెప్పదలుచుకుంటున్నాడేమో అనిపిస్తోంది. అదే నిజమైతే పవన్ అంత పిచ్చివాడు మరొకడు ఉండడు అనుకోవాలి. మెజారిటీ స్థానాలు గెలిచేసే జనసేనను ఎదుర్కునేందుకు టిడిపి, వైసిపి కలుస్తోందనే ప్రచారం చేయడానికి జనసేన నాయకుడు కూడా వెనుకాడడేమో అనిపిస్తోంది. తనకు లేని గొప్పతనాన్ని ఆపాదించుకుని, ఎదుటి వారిని అవమానించడం చంద్రబాబు లక్షణం. కొన్నాళ్లు ఆ బాబుతో, ఆ పార్టీతో కలిసి తిరిగిన పాపానికి పవన్ కళ్యాణ్ కి కూడా ఆ జబ్బు అంటుకున్నట్టుంది. కనుక పీకే తన అత్యుత్సాహాన్ని కాస్త కట్టిపెట్టి విమర్శలు చేసేముందు కాస్త ఆలోచిస్తే బావుంటుందంటున్నారు వైఎస్సార్ కాంగ్రెస్ పార్టీ నాయకులు. బాబు వచ్చి స్వయంగా జగన్ కాళ్లావేళ్లా పడ్డా పవన్ ఊహించిన  సంఘటన జరగదని చెబుతున్నారు. ఇప్పటికైనా పవన్ తన నోరు అదుపోలో పెట్టుకుని మాట్లాడతాడా??