అగ్నిప్రమాద బాధితుల్ని పరామర్శించిన వైయస్సార్‌సీపీ

యర్రబాలెం(క్రోసూరు): మండలంలోని యర్రబాలెం గ్రామంలో గురువారం సాయంత్రం సంభవించిన అగ్ని ప్రమాదంలో ఇళ్లు కాలిపోయిన బాధిత కుటుంబీకులను శుక్రవారం వైయస్సార్‌సీపీ పెదకూరపాడు నియోజకవర్గ సమన్వయకర్త కావటి శివనాగమనోహరనాయుడు పరామర్శించారు. సంఘటన స్ధలానికి చేరుకున్న కావటి మనోహరనాయుడు జరిగిన సంఘటన వివరాలు తెలుసుకుని తీవ్ర విచారం వ్యక్తపరిచారు. బాధితులకు ఆర్ధిక సహాయం అందచేసారు. పూర్తిగా నష్టపోయిన కుటుంబాలు నల్లగొండ కొండలరావు, నల్లగొండ గంగరావులకు ఒక్కొక్కరికి రూ.5వేలు, పాక్షికంగా నష్టపోయిన వారి సిమ్మిసెట్టి కోటయ్య, ఉయ్యాల నాగేశ్వరరావు కుటుంబాలకు ఒక్కొక్కరికి రూ.3వేలు చొప్పున అందజేసారు.