తక్షణమే ప్రజల సమస్యలు పరిష్కరించండి

నెల్లూరుః వైయస్సార్సీపీ ఎమ్మెల్యే అనిల్ కుమార్ యాదవ్ నగరంలోని 52వ డివిజన్ లో పర్యటించి ప్రజల స్థానిక సమస్యలను అడిగి తెలుసుకున్నారు. ఈ సందర్భంగా ఎమ్మెల్యే మాట్లాడుతూ...రంగనాయకులపేటలో డ్రైనేజీ కాలువల నిర్మాణం కోసం తవ్విన గుంటలు అలాగే వదిలేయడంపై మండిపడ్డారు. సంతపేట నుంచి వచ్చే మురికినీరు తాగునీటిలో కలిసిపోవడంతో స్థానికులు తీవ్ర ఇబ్బందులు పడుతున్నారని ఎమ్మెల్యే అన్నారు. వారంలోగా కాలువల నిర్మాణం పూర్తిచేయడంతో పాటు, వాటర్ పైప్ లైన్ల లీకులను సరిచేసి రెండ్రోజుల్లోగా ప్రజలకు తాగునీరు అందించాలని అధికారులకు సూచించినట్టు ఎమ్మెల్యే తెలిపారు.