మానవత్వం మరిచిన ప్రభుత్వం: షర్మిల

దివంగత మహానేత డాక్టర్‌ వైయస్‌ రాజశేఖరరెడ్డి తన పరిపాలనా కాలంలో 71 లక్షల మందికి పెన్షన్లు మంజూరు చేశారని తెలిపారు. అయితే, టిడిపి హయాంలో కేవలం 16 లక్షల మందికి మాత్రమే పెన్షన్‌ లబ్ధి పొందగలిగారని చెప్పారు. జగనన్న సిఎం అయ్యాక రాజన్న రాజ్యం తీసుకువస్తారని, వికలాంగులు ప్రతి ఒక్కరికీ నెలకు రూ. 1000, వృద్ధులు, వితంతువులకు రూ. 700 వంతున పెన్షన్‌ సక్రమంగా అందజేస్తారని భరోసా ఇచ్చారు. పెన్షన్‌ పథకాన్ని అమలు చేయడంలో ప్రస్తుత ప్రభుత్వం దారుణంగా విఫలమైందని శ్రీమతి షర్మిల ఆరోపించారు. ఈ ప్రభుత్వం చేతకాని తనం కారణంగా నెలకు రూ. 200 పెన్షన్‌ కూడా సక్రమంగా అందడంలేదని దుయ్యబట్టారు. పేదల పట్ల ఈ ప్రభుత్వానికి మానవత్వం లేదని దుయ్యబట్టారు. టిడిపి అధ్యక్షుడు చంద్రబాబు నాయుడు తన స్వలాభం కోసం  ఇలాంటి ప్రజా వ్యతిరేక, అసమర్థ ప్రభుత్వానికి మద్దతుగా నిలుస్తున్నారని నిప్పులు చెరిగారు.