ఇడుపులపాయకు కొత్త శోభ

ఇడుపులపాయ: మహానేత కటౌట్లతో ఇడుపులపాయ కొత్త అందాన్ని సంతరించుకుంది. యోగా భంగిమలో ఒకటి.. చిరునవ్వులు చిందిస్తూ మరొకటి.. చేయెత్తి అభివాదం చేస్తూ మరొకటి ఇలా వివిధ భంగిమలలో ఏర్పాటైన డాక్టర్ వైయస్ఆర్ చిత్రాలు మరో ప్రజాప్రస్థాన సభకు విచ్చేసిన ఆయన అభిమానులను ఆప్యాయంగా పలుకరిస్తున్నాయన్నట్లుగా ఉన్నాయి. నింగినుంచి రాజన్న చిందిస్తున్న చిరునవ్వులకు ప్రతీకగా నిలిచాయి. అశేష జనవాహినికి అభివాదం చేస్తున్నట్లుగా వాటిని నెలకొల్పారు.  షర్మిల పాదయాత్రకు విచ్చేసిన వారు ఆ చిత్రాల ఛాయలో నడుస్తూ.. మహానేత ఆశీస్సులు అందుకున్నట్లు భావించారు.