రేకుల షెడ్‌కు 8 కోట్లు ఖర్చా..!

అమరావతి:అక్రమ నిర్మాణమని తెలిసినా గత ప్రభుత్వం ప్రజాధనం వృధా చేసిందని రవాణా,సమాచార,ప్రజా సంబంధాల శాఖ మంత్రి పేర్ని నాని అన్నారు.చంద్రబాబు తన అక్రమ నివాసాన్ని కాపాడుకోవాలనే ప్రజావేదిక నిర్మించారన్నారు. తన అక్రమానికి ప్రజావేదికను అడ్డం పెట్టుకున్నారన్నారు.చట్టాలంటే చంద్రబాబుకు ఏ మాత్రం గౌరవం లేదన్నారు.ఎన్జీటీ నిబంధనలపై చంద్రబాబు ఏనాడు చిత్తశుద్ధితో వ్యవహరించలేదన్నారు.ప్రజావేదికలో విలువైన పరికరాలను మళ్లీ వాడుకునేందుకు తరలించామని తెలిపారు.సాధ్యమైనంత వరుకు నష్టాన్ని తగ్గించేలా చూస్తున్నామన్నారు.ప్రజావేదిక నిర్మాణానికి రూ.8 కోట్లు ఖర్చు చేశామని చెబుతున్నారని ఇక్కడ చూస్తే రేకుల షెడ్‌ కనిపిస్తోందన్నారు.