వికలాంగులంటే కిరణ్‌కు ఏమాత్రం ప్రేమా లేదు

చెరువుమాదారం (ఖమ్మం జిల్లా), 23 ఏప్రిల్‌ 2013: ముఖ్యమంత్రి కిరణ్‌కుమార్‌రెడ్డికి వికలాంగులపై ఏమాత్రం ప్రేమా లేదని శ్రీమతి షర్మిల విమర్శించారు. చంద్రబాబు హయాంలో 16 లక్షల మంది వికలాంగులకు పెన్షన్లు ఇస్తే.. మహానేత డాక్టర్‌ వైయస్‌ రాజశేఖరరెడ్డి 71 లక్షల మంది వికలాంగులకు పెన్షన్‌లు అందించారని ఆమె గుర్తు చేశారు. మరో ప్రజాప్రస్థానం పాదయాత్రలో భాగంగా మంగళవారంనాడు శ్రీమతి షర్మిల ఖమ్మం జిల్లా చెరువుమాదారంలో వికలాంగులతో రచ్చబండ కార్యక్రమం నిర్వహించారు.