సస్పెండ్ చేసే అధికారం స్పీకర్ కు ఉండదు

హైదరాబాద్‌: అసెంబ్లీలో సభ్యుడిని సస్పెండ్ చేసే అధికారం స్పీకర్ కు ఉండదని  హైకోర్టు సీనియర్ న్యాయవాధి జంధ్యాల రవిశంకర్ తెలిపారు. ఒక సెషన్ కంటే ఎక్కువ సస్పెండ్ చేయాలంటే మొదట ఫిర్యాదు చేసి, ఆతర్వాత ఎథిక్స్, ప్రివిలేజ్ కమిటీకి ఫిర్యాదు పంపాలని చెప్పారు. టీడీపీ నేత కరణం బలరాం..వైఎస్సార్సీపీ ఎమ్మెల్యే ఆర్కే రోజా అంశాలు రెండు వేర్వేరన్నారు. కరణం బలరాం వ్యవహారంలో ప్రివిలేజ్‌ కమిటీ విచారించాకే 6 నెలలపాటు సస్పెండ్‌ చేసినట్టు రవిశంకర్ గుర్తు చేశారు. టీడీపీ నిర్ణయం.. సభ మొత్తం నిర్ణయం కాదని ఆయన స్పష్టం చేశారు.